මේ දවස් වල විභාග වැඩ නිසා බ්‍ලොග් ලියන්නවත් බැරි උනා. ඒත් මේකනම් ලියන්නම ඕනෙ… මොබිටෙල් වල දැන් කාර්යබහුලත්වය එන්න එන්නම වැඩිවෙලා. සමහර වෙලාවට ඇලර්ට් විතරයි. ඒත් දැන් ඇලර්ට් එන්නෙත් නෑ. ඇමතුම් එන්නෙත් නෑ. ඉතින් ඇමතුම් ගන්න අයගෙන් දෝ‍සෙ. නගරය මධ්‍යයේ හිටියත් තත්වය මෙසේමයි. මොකද නගරෙ ඉන්න අයටත් ඇමතුම් ගන්න බොහෝ වෙලාවට දෙතුන් පාරක් ‍උත්සහ කරන්න ඕනෙ.
පලවෙනි පාර ප්‍රතිචාරයක් නෑ කියන. මේ මොනව ‍උනත් දැන් මෙයාල මේකට විසදුම් දීගෙන යනව වගේ. මීට මාස දෙක තුනකට කලින් අපේ ගෙදර ඉදන්
කිලෝමීටර එකහමාරක විතර දුරින් කුලුනග් ගැහැව. දැන් මේ ලගම කුලුණක් ගහනව. ඒක ඉස්සෙල්ලාම දැක්ක ගමන් මට මාර සතුටු. දැන් අන්තර්ජාලෙ යන්න, 3G ඇමතුම් ගන්න දුක්විදින්න ඕනෙ නෑ. මොකද නව කුලුනට ගෙදර ඉදන් මීටර 200ක් විතර තියෙන්නෙ. මෙහෙම කරන එකනම් හොදා. හැබැයි මේ කුලුණ හරියන්න තව මාසයක් දෙකක් යයි. ආරන්චියෙ හැටියට මේ ගමන් මේ අවට තව කුලුණු කීපයක් ඉදි කරනවලු. ඉතින් ඒකෙන් මොබි‍ටෙල් වල කාර්යබහුලත්වය මග හරෙයි බොහෝදුරට. කරදරයක් නැතිව ඇමතුම ගන්න පුලුවන් වෙයි.ඒත් මෙයාල ‍කාර්ය බහුලත්වය හා දුර්වල සං‍ඥා ප්‍රදේශවලට හොද ආරවනයක් දෙනකොට ඩය‍ලොග් එතනමයි. මොකද මම මුලින්ම ගත්තෙ ඩයලොග් එකක්. මේ හරියෙ බොහෝ අයට ඩයලොග් තිබ්බෙ.ඒ අය හුගක් අය මම දැනුවත්වම ඩයලොග් එකට කථාකරගන්නවත් සිග්නලු නෑ කියල පැමි‍ණිලි කරල තියනව. මම කීපාරක් කරාද කියල මතක නෑ. ඒ හැම පාරම කියන්නෙ ඉස්සරහට දියුනු කරද්දි ඔය ප්‍රදේශයත් ආවරණය කරන්නම් කියල
ඒ වෙද්දි ක‍ථා කරගත හැකි තත්වයෙන් මොබිටෙල් සිග්නල් තිබ්බ. දැන් ඒකත් වැඩි කරනව කියන්නෙ… කාටද සතුටු….

| | | | | |