දැන් මොබිටෙල් ජාලය එන්න එන්නම පිරිහේගෙන යනව. මුලින් හොද සේවාවක් තිබුනත් දැන් එය බිදවැටිල වගේ. මුලින් උපහාර දෙන්න කලික් ජාලය හුගක් හොදට තිබ්බ. උපහාර දුන්න විතරයි ගන්න දෙයක් නැති උනා. ඒත් ටික කාලෙකින් ඒක බොහෝ දුරට සමනය කලාට දැන් ආයෙ එපාම වෙල තියෙන්නෙ. අන්තර්ජාලයත් එහෙමයි. හරියට පුද්ගලික බස්වගේ. පුලුවන් තරමටත්ත වඩා බස් එකට නංව ගන්නව ඉතින් ඉදන් ගිය අය‍ටවත් හරියට යන්න නෑ. ඒ මදිවට තව අය ගන්න කෑ ගහනව. මේ වගේ වැඩක් තමා මම හිතන්නෙ මොබිටෙල්ලට වෙලා තියෙන්නෙ.
හරි මුලින්ම ඇමතුම් ගම්මුකො. දුරකථනය හොදින් වැඩ කලත් සමහර වෙලාවට එන්නෙ ඇලර්ට්. සමහර අවස්ථාවල යාලුවෙක්ගෙ දුරකථනයකින් බැරිම උනහමම මමම මගෙ එකට ගන්න හදල තියනව. ඒත් ප්‍රතිචාරයක් නෑ. දුරකථන මාරුකලත් එමමයි. සමහර විට මොබි‍ටෙල් වලට ඇමතුම් ගන්න බොහෝ අයට පුරුද්දක් ඇති දුරකථනය ප්‍රතිචාරවක් නෑ කීවහම දෙතුන් පාරක් උත්සහ කරන. මොකද එහෙම කියන්නෙ දුරකථනය ඔන් එකේ හොදින් සංඥා තියෙන වෙලාවටත්. ඒක එහෙමයි කියමුකො. 3G තියන දුරකථන සමහර වෙලාවට ජාලයේ ලියාපදින්චි වෙන්නම බැරිවෙනව. මේ ලගදි කීප වාරයක් මේක තදින් තිබ්බ. මොක පැයක් දෙකක් තිබ්බට තේරෙන්නෙ නෑනෙ. 2G දාපුවහම දුරකථනයට හොදට ඇමතුම් එනව. ගන්න පුලුවන්. ඒත් 3G දාපුවහම ගන්නවත් එන්නෙවත් නෑ. ඇලර්ට් විතරයි. මොනව කරන්නද.
ඇමතුම් එහෙමයි කියමුකො, කෙටිපණිවි‍ඩ… ඒක ගැනත් කියන්න දෙයක් නෑ. ඔන්න හදිස්සියට යාලුවෙක්ට පණිවිඩයක් යව්වොත් Sent උනාට Delever වෙන්නෙ නෑ. ඒ කෙටිපණිවිඩයට රිපෝට් එක එනකම් බලන්න ඉන්න ඕනෙ. නැතිනම් ආයෙ යවන්න ඕනෙ එකම එක. අත්තටම කෙටිපණිවිඩ තෝරාගත් අංක වලට ශත 25 යි කීවට මේ විදිහට යවද්දි ශත 50 ටත් වඩා යනව. ඒව ආයෙ ආයෙ යවද්දි. සමහර ඒව Delever වෙනව. ඒත් රිපෝට් එකක් නෑ.
ගිණුමේ මුදල් නැතිව අන්තිම එකේ ඔක්කොම විස්තරය කියල කියල කෙටිපණිවිඩයක් ගැහුවයි කියමුකො….. මටම තමා ඒක කියවන්න වෙන්නෙ. ඒක Delever වෙන්නෙ නෑ… ඒ වෙලාවට මොනව කරන්නද. පාරිභෝගික සේවට ගත්තට වැඩක් නෑ ඒ අය ඇග ‍‍බේරගන්නව. මොනව හරි කියල බේරෙනව. ඇත්තට මේ පාරිභෝගික සේව නිලධාරීන් ඉන්නෙ නමට.
දැන් අන්තර්ජාලය. ඒක ගැනන්ම් බොහෝ දෙනා හොදට දන්නව ඇති. 3.6Mbps කිව්වට අඩුගානෙ 512Kbps වත් නෑ. රෑ එලිවෙන යාමෙට වගේ කලාතුරකින් 2mbps වගේ එනව. දවල්ටනම් 1mbps එනව දකින් හොද වාසනාවක් තියෙන්න ඕනෙ. බොහෝ වෙලාවට සම්බන්ධ වෙන්නෙ නෑ. ඒ කීවේ connect කරන්න බෑ. 3G නෙට්වර්ක් එකේ ලියාපදින්චි වෙන්න බෑ. හොදටම එපාවෙනව. මේවා ගැන පැමිණිලි කලාම හැමදාම වගේ අංකයක් ලියාගන්න දෙනව. ආයෙ ඒ අංකෙ ගැන ඇහුවහම කියන්නෙ ඒක ගැන හොයල කියයි. ‍ඔහොම පැමිණිලි 3-4කි දැම්මහම ඔන්න මොබිටෙල් එකෙන් එක්කෙනෙක් කථාකරල කියනව ජාලයෙ ඉන්න කට්ටිය වැඩි. ඒක හදාගෙන යනව. හැදුවහම හරියයි. ඉතින් මේක දැන් මාස කීපයක ඉදන් හදනව කියල බේරෙනව. හරියට අපේ වරදක් වගේ කියන්නෙ. හිටපු ගමන් බැරිම උනහම ආයෙ ගන්නව.
එතකොට එකපාරක් ඇහුව මොඩම් එක මොකක්ද කියල. මම කීව E1550. ඒ කථාකරපු එක්කෙනා කියන අපේ ඒවට (මොබිටෙල්) ඇරෙන්න අපිට වගකියන් බෑ. මම කීව මම මේ සිම් එක වෙන මගෙ E220 ට දැම්ම. ඒත් ඒ ලෙඩේමයි. හැබැයි මේ දෙකටම වෙන ජාලයක සිම් දැම්මොත් හොදට වැඩ කීව. ඒ පාර කියන ඉන්න හරියට සිග්නල් අඩු ඇති. ඒක නිසා වෙන්න ඕනෙ කීව. මම කීව කුරුණෑගල නගරයෙ ඉදන් බැලුව. කීප පාරක් නගරයෙ ඉදන් 500m තියන යාලුවෙක්ගෙ ගෙදර ඉදන් බැලුවත් බෑ කීව. මොකද යාලුවගෙ ගෙදරට ගෙවල් අසල හා කුරුණෑගල කුලුනු දෙකෙන්ම උපරිම සංඥා ලැබෙනව. ඒපාර අරන් එන්න කීව. මම මොනව කියන්නද.. හරි කියල තිබ්බ. ඔය අතර පාර මොබිටෙල් එකට ගිය පාර අන්තර්ජාලය විකුණන අයියම මුණගැහුන. එයාට කීවහම කියනව අපේ ගෙවල් හරියෙ 3G තියනව. අවුලක් නෑ කියල. අපේ කාර්යාලයට laptop එක ගේන්න. අපි බලමු කීව. මම තේරුම් කරල කීව, මම ස්ථාන, පරිගණක හා මොඩම් මාරැකලා කියල. ඒත් අරන් එන්නලු.
මේ විදිහට බලද්දි හැමතැන ගෙනියන්න ගන්න අන්තර්ජලයක් නෑ වගේ. මොකද ඩයලොග් වල 3G නෑ හැමතැනම. හැමතැනම කීවට කුරුණෑගල ඉදන් 500m වත් නෑ. Airtel කොහොමවත් නෑනෙ 3G. ඉතින් වෙන දෙයක් නැති නිසා මොබිටෙල් වල තාම ඉන්නව.

| | | | | |