මීට දින කීපයකට කලින් TRC  එකේ මැදිහත්වීමෙන් දුරකථන ගාස්තු සංශෝධනයක් කලා. ඒක සමහරුන්ට හොදයි. සමහරුන්ට නරකයි. ඒ වගේමයි ලගදි තව ක්‍රියාමාර්ගයක් අරන් තියනව. අන්තර්ජාලය සම්බන්ධව. ඒ අන්තර්ජාල සම්බන්ධතා වල සමහර පෝට් බ්ලොක් කරන්න හා ‍විවිධ සේවා සඳහා සීමා පැණවීමට. ඒ අපේ සමහරු අන්තර්ජාලය හරහා ජාත්‍යන්තර ඇමතුම් දුරකථන සමාගම් වලට හොරෙන් රට තුලට ගෙන්නවීමට පිලියමක් වශයෙනුයි.

එනම් සාමාන්‍යයෙන් අප රටට වෙනත් රටක‍ට ඇමතුමක් නියමාකාරයෙන් පැමිණීමේදී එය අප වෙත ලගාවන්නේ දේශීය ඇමතුම් සමාගමක් හරහායි. එහිදි අප රටට ඇමතුම එවන සමාගම දේශීය සමාගමට යම් මුදලක් ගෙවිය යුතුයි. එම මුදලින් කොටසක් රජයට බදු වශයෙන් හිමිවෙනව. ඒක නිසා තමයි ලංකාබෙල් ලැබෙන ඇමතුම් වලටත් ගෙවන්නෙ.

ඒත් හොර පාරෙන් ඇමතුම් එද්දි එහෙම වෙන්නෙ නෑ. කෙලින්ම අන්තර්ජාලය හරහා ඇමතුම ලංකාවේ පරිගණකයක‍ට (එම පහසුකම දෙන) පැමිණ එය හරහා දේශීය දුරකථනයකට ලගාවෙයි. එවිට එම පහසුකම දෙන පුද්ගලයා යම් ගාණවක් ගත්තද රජයේ බදුමුදල අහිමි වේ.

මෙයට විකල්පයක් වශයෙන් තමා මේ පිලියම අරන් තියෙන්නෙ. ඒත් මේක බලපාන්නෙ 1mbps ට වඩා වැඩි වේගයක් තියන සම්බන්ධතා වලට. ඒත් අපේ නිවෙස් වල /ඒව‍ට බලපෑමක් නෑ. ඒ වගේමයි මගේ මතය හැටිය‍ට මේ 1mbps කියන්නෙ උඩුගත වේගය. මෙකද මේ නීතිය ජූලි  15 සිට ක්‍රියාත්මක වෙනව කීවට 512 kbps උඩුගත වේගයක් තියන සම්බන්ධතා වල බොහෝ Voipe සේවා වැඩ.

ඒවගේමයි මෙ සේවා සීමාකලත් අවශ්‍යනම් නියමිත ආකාරයට ඉල්ලීමක් කලොත් ඒ සීමාකරපු සම්බන්ධතා ලබාගන්න පුලුවන්. හරියට ඉස්සර ලේසර් ප්‍රින්ටර් ගන්න බලපත්‍රයක් ඕනෙ වගේ. හැබැයි මේ ‍ගැන දැනට ටෙලිකොම් එකේ බොහෝ අයට නිවැරදිව තහවුරු කරන්න නොහැකි. ඒත් අනෙක් සාමාන්‍යය සම්බන්ධතා වලටත් මේක එනවනම් ඒගැන දැනුවත් කරයි. ඒ වගේම සේව සපයන ආයතන වලට  ස්කයිප් නැති කලොත් බොහෝ අන්තර්ජාල පාරිභෝගිකයින් නැතිවෙයි

Techkatha සහ රිවිර පුවත්පත ආශ්‍රයෙන්

| | | | | |