Malinda's Blog – මාලින්දගේ සටහන

ගූගල් වල තිබ්බ ගූගල් වෙයිස් කියන සේවාවෙන් දැන් ජාත්‍යන්තර ඇමතුම් ගැනීමේ හැකියාව තියනව. මේකෙන් දැනට දේශීය ජාල වලින් දෙන ගාස්තු වලට වඩා අඩුවට විදේශීය ඇමතුම් ගන්න පුලුවන්. ස්කයිප් වලට ත් වඩා අඩුයි. ඒ වගේම තමා සමහර රටවලට නොමිලේ ඇමතුම් දෙනව කියල දාල තියනේනෙ.

අපි ඇමතුම් ගන්න විතරක් නෙවේ, සමහර රටවලින් අපේ රටට ඇමතුම් ගද්දි අපි ගන්නවට වඩා වැඩි මුදලක් ඒ රටවලින් අයකරනව. ඒත් ගූගල් වලින් මේ අයට දේශීය ජාලවලට ගන්න පුලුවන්. අඩුවට

ඇමතුම් ගාස්තු විස්තරය https://www.google.com/voice/rates

හැබැයි මේ අයගෙ අයකිරීම් විනාඩියට

බොහෝ‍ දෙනෙක්ට තියන ගැටලුවක් තමා වෙබ්කෑම් එක. සමහරු මොගාපික්සල් ගණම් වල කැමරා හොයනව, හොයල අරගෙනත් යනව. ඒත් ටික දවසකින් අහපහු එනව වීඩියෝ කොලිටි නෑ කියල. මේක සාමාන්‍යය දෙයක්. ඒත් මේකට හේතුව බොහෝ දුරට කැමරා‍ව නෙවේ.

මේ විදිහට ගේන අය හුගක්දෙනෙක් කියන්නෙ අපිට අපේ වීඩියෝ එක හොදට පේනව, ඒත් අනිත් පැත්තෙ ඉන්න එක්කෙනාට අපිව පේන්නෙ බොද වෙලා. ඒත් ඒ කෙනාව අපිට හොදට පේනව.  මේකට හේතුව කැමරාව නෙවේ. සාමාන්‍යය වෙලද පොලේ ඇති කැමරා ‍වලින් අපිට අපගේ පරිගණකයේ පේන විදිහටම ඒ අයට යන්නෙ නෑ. ඒක‍ට හේතුව තමා අපගේ අන්තර්ජාල සම්බන්ධතාවයේ වේගය. මේ ගැටලුව හුගක් තියෙන්නෙ ස්ථාවර අන්තර්ජාල සම්බන්ධතා (ටෙලිකොම් ADSL, Dialog WiMax, Lankabell WiMax)  භාවිතා කරන අයට. ඒක‍ට හේතුව මේ සම්බන්ධතා වල( සාමාන්‍යය ගෙදරට දෙන සම්බන්ධතාවයක) උඩුගත කිරීමේ උපරිම වේගය 128kbps වෙනව. මේ වේගයෙන් තමා අපගේ කටහඩත්, වීඩියෝත් අනෙක් කෙනාට යන්නෙ. ඒත් සාමාන්‍යය වීඩියෝ එකක් යන්න ගුණාත්මක භාවයෙන් යන්න මේ වේගය මදි. ඒත් ඒ අයගෙ වීඩියෝ අපිට හොදට එනව. මේ කථා කරන අ‍යගෙන් බොහෝ දෙනා ඉන්නෙ විදේශ රටවල. ඒ රටවල බොහෝ සම්බන්ධතාවල උඩුගත කිරීමේ වේගය හොද මට්ටමක තියනව (සමහර රටවල අපේ තරම්වත් නෑ), ඒක නිසා එයාලගෙ වීඩියෝ හොද ගුණාත්මක භාවයෙන් උඩුගත වෙලා අපගේ පරිගණකයට අප යවනවාට වඩා හොද ගුණාත්මක භායකින් අපිට ලැ‍බෙනව. මොකද අපගේ බාගත කිරීමේ වේගය 512kbps නිසා

සරලව කිව්වොත් අපි අනෙක් පාර්ශවයේ Download හා Upload Speed එක 512kbps ට වඩා වැඩි සිතමු
ඒත් අපේ

Download – 512kbps
Upload – 128kbps
අපි යවන්නෙ 128kbps ගුණාත්මක භාවයෙන් යුතු වීඩියෝ. ඒ අය අපිට එවන්නෙ 512kbps ගුණාත්මක භාවයෙන් යුතු වීඩියෝ (වීඩියෝ හා හඬ එකතුව)

එතකොට වෙනස වටහාගන්න පුලුවන්නෙ. මේකට කැමරාවට බැනල වැඩක් නෑ. කැමරවෙ preview එකෙන් අපිට හොදට පේනවනම් අවුල තියෙන්නෙ අන්තර්ජාල සම්බන්ධතාවයෙ. සාමාන්‍යයෙන් ටෙලිකොම් වල 128kbps කීව‍ට සමහරුන්ට ලැබෙන්නෙ 110kbps ට ආසන්න වේගයක්. ඒකෙ‍නුත් මුලු වේගයම ස්කයිප් භාවිතා කරන්නෙ නෑ. භාගත කිරීමේ වේගයත් ඒ වගේමයි. මේ වෙලාවට වෙන ටොරන්ට් වගේ යනවනම් තවත් අඩුයි.
නමුත් කැමරාවෙ ගුළණාත්මක භාවයත් යම්තාක් දුරට බල නොපානව නෙවේ. ඒත් අපේ සම්බන්ධතා අනුව වැඩිපුර බලපාන්නෙ අන්තර්ජාල වේගය. අපි වැඩිපුර හිතන්න ඕනෙ ඒ ගැනයි. අපි කැමරාවට හොද ආලෝක කරනයක් ඇතිව මුහුණ දෙනවනම්, Preview එක හරියට එනවනම් ඒච්චරයි. ඒත් තව දෙයක්, සාමාන්‍යය එක එක නම් ගහල එන ලෝකල් කැමරා වලට වඩා ලැප්ටොප් වල එන ඒව, නියම නම් වලින් එන කැමරාවල Preview එකෙත් යම් හොද ගුණාත්මකභායක් තියනව, ලෝකල් ඒව‍ට වඩා.

කැමරාව ගුණ සැකනම් Manycam වැනි නොමිලේ ලබාදෙන මෘදුකාංගය් ආධාරයෙන් කැමරාව වෙනුවට Video එකක් දාල අනෙක් කෙනාට ඇමතුමක් අරන් පරික්ෂා කරල බලල තේරුම් ගන්න පුලුවන්‍

සාමාන්‍යයෙන් ස්ථාවර සම්බන්ධතාව වල එහෙම උනාට හැමදාම බයින මොබිටෙල් වල මේකෙ අනිත් පැත්ත.‍ මොබිටෙල් එකේ භාගත කිරීමේ වේගය බොහෝ වෙලාවට අඩු උනාට හොද උඩුගත කිරීමේ වේගයක් ලැබෙනව. සාමාන්‍යයෙන් 350Kbps ට ආසන්නව එනව. එතකොට ඒ අයට අපගේ හොද ‍වීඩියෝ එකක් බලාගන්න පුලුවන්. ඒත් බොහෝ වෙලාවට අපිට බලන්න වෙන්නෙ කැඩි කැඩි, නැතිනම් බොද වෙලා. සමහර වෙලා‍වඩ හඩත් කැඩෙනව. හැබැයි ඩයාලොග් HSDPA වල මේ ‍දෙකම යම්තාක් දුරට සමබරයි. ඒත් HSDPA සම්බන්ධතා ADSL තරම් ස්ථායි නැ. වේගය නිතරම වෙනස් වෙනව.

අපිට සාමාන්‍යයෙන් ගෙවල් වලට දෙන සම්බන්ධතා වල ‍වේගය 128kbps, නමුත් ටෙලිකොම් වල 2Mbps/512kbps සම්බන්ධතාවයනුත් තියනව. ඒක රු 6000කට ආසන්නයි. ඩයලොග් වල 1mbps දක්වා උඩුගත් වේගයක් ලබාගන්න පුලුවන්. ඒක‍ට මාසිකව රු 12500කට වැඩි මුදලක් ගෙවන්න වෙනව.

දැනට අලුතින් එන Skype සංස්කරන HD (High Definitions)  වීඩියෝ ඇමතුම් සඳහා සහය දක්වනව. ඒ කියන්නෙ ඉතා ඉහල ගුණාත්මක භායකින් යුතුව අපිට වීඩියෝ ඇමතුම් ගන්න පුලුවන්. ඒකට අපිට 1Mbps ට වඩා Upload/Download වේගයක් ඇති අන්තර්ජාල සම්බන්ධතාවයක් තියෙන්න ඕනෙ. ඊට අමතරව HD වෙබ්කෑම් එකක් අවශ්‍යයි. අපගේ පරිගණකයත් හොද වේගයක් තිබිය යුතු අතර හොදින්ම නැරබීමටනම් HD සහය දක්වන මොනිටරයක් අවශ්‍යය වෙනව.

Skype ‍HD ගැන – http://blogs.skype.com/en/2010/01/hd_video_calls.html
HD Webcam – http://www.skype.com/go/shop.accessories.front?cm_mmc=socialm|skypeblogs-_-global|intl|en-_-bigblog-_-hd
තමන්ගේ වේගය පරික්ෂා කරගන්න Speedtest – www.speedtest.net
Manycam මෘදුකාංගය – www.manycam.com

කීප දෙනෙක් කියල හා බ්ලොග් එකේ කමෙට් දාල තිබ්බ Google DNS හදන්නෙ කොහොමද කියල. ඒක නිසා හිතුව ඒ ගැන ලියන්න. ඒක හදන ක්‍රම කීපයක් තියනව. ඒ කියන්නෙ ඩයල් අප් වල, රවුටර් වල හා HSDPA මොඩම් වල විවිධ ක්‍රම ති‍යනව එකම සැකසුම වෙනස් කරන්න. එකෙන් එක බලමු. මගේ මතය අනුවනම් කොහොමත් Goole DNS හා Open DNS හි වේගය අපගේ සේවාසපයන්නන්ගේ සැකමුම් වලට වඩා හොදා. සමහර අවස්ථාවල අපගේ DNS සර්වර හරිහැටි ක්‍රියා නොකරන අවස්ථාවලදීත් මෙය භාවිතා කල හැකිය. මාගේ නිරීක්ෂණය අනුවනම් SLT වල DNS වල‍ට වඩා Google වේගවත්.

Google DNS සර්වර ලිපිණ

8.8.8.8

8.8.4.4

Open DNS සර්වර ලිපිණ

208.67.222.222

208.67.220.220

නෙට්වර්ක් එක හා සම්බන්ධ වන සම්බන්ධතාවය සොයාගැනීම

Windows 7 හෝ Vista වල ඔරලෝසුව අසල ඇති නෙ‍ට්වර්ක් හෝ වයර්ලස් අයිකනය ක්ලික් කර Network and Sharing Center වෙත පිවිසෙන්න .

නැතිනම් Control Panel හි Network and Sharing Center ‍(මෙය සමහර විට Network And Internet හි  Network and Sharing Center ‍නමින් ඇත) .

වින්ඩෝස් Xp නම් Control Panel හි Network Connection නමින් ඇක.

එහි තමන් සම්බන්ධ වි ඇති ජාලයන් සම්බන්ධතා නමින් පෙන්වන අතර එම සම්බන්ධතාවන්ගේ අන්තර්ජාලය ඇත්ද නැද්ද යන වගත් පෙන්වයි. එතනින්න තමා අන්තර්ජලය හා සම්බන්ධ වන සම්බන්ධතාවය ක්ලික් කිරීමෙන් Properties වෙත පිවිසිය හැකිය (Vista හා 7 වල පමණි)

නැතිනම්  වම්පස තීරැවේ ඇති  Change Adapter Settings මගින් තමාගේ නෙට්වර්ක් සම්බන්ධතාවයන් බලාගත හැකිය. (Vista හා 7 වල පමණි)

Local Area Network හෝ WiFi මගින් සම්බන්ධ වනවිට

පරිගණකය LAN හෝ Wifi මගින් අන්තර්ජාලය හා සම්බන්ධවෙයිනම් මෙම සැකසුම් කිරීමෙන් DNS සැකසුම් වෙනස් කල හැකිය. නමුත් රවු‍ටරයක් හරහා අන්තර්ජාලයට පිවිසෙන්නේනම් රවුටරයේ සැකසුම් කිරීම මගින් මුලු ජාලයේම DNS වෙනස් කල හැකිය. එහෙත් තම පරිගණකයේ පමණක් කිරීමට අවශ්‍යයනම් සේසේ සිදුකල හැකි අතර තමාට රවුටරයට ඇතුලුවිය නොහැකි අවස්ථාවලදීත් මෙසේ වෙනස්කරගත හැකිය

ඉහත නෙට්වර්ක් එක හා සම්බන්ධ වන සම්බන්ධතාවය තේරීමේදි වයර මගින්නම් Local Area Connection ද WiFi මගින්නම් Wireless Network Connection ද තේරිය යුතුය. එය Network And Charing Center හිදි හෝ Change Adapter Settings (Xp නම් View Network Connection) වෙත පිවිසීමෙන් තෝරාගත හැකිය.

එහි සම්බන්ධතාවය රයිට්ක්ලික් කර Properties වෙත යන්න

එවිට දිස්වන Properties වින්ඩෝවේ Networking ටැබය තුල ඇති ලැයිස්තුවෙන් Internet Protocol Version 4 (TCP/IPv4) තෝරා Properties බටනය ක්ලික් කරන්න

එහි තම පරිගණකය ස්වයංක්‍රියව ජාලයේ IP (DHCP මගින්) ලබාගන්නේනම්  Obtain IP address Automatically යන්න තෝරාඇත. නැතිනම් ඒවා ලබාදීමට සිදුවේ. සාමාන්‍යයෙන් රවුටරයක් IP ලිපිනය ස්වයංක්‍රියව ලබාදෙන නිසා එය Obtain IP address Automatically ලෙස තිබීම ප්‍රමාණවත්. අපට DNS සැකසුම් කිරීමට අවශ්‍යය නිසා පහලින් ඇති කොටසේ Use the Following DNS server address යන්න තෝරන්න. එවිට පහලින් ඇති ටෙක්ට් බොක්ස් සක්‍රිය වනු ඇත. එයට DNS සර්වරයන්ගේ ලිපින ලබාදෙන්න.

ඉන්පසු OK කර එම කවුලු වසාදමන්න.

Dialup හා HSDPA සම්බන්ධතා හා ADSL මොඩම් මගින් සම්බන්ධවන විට

මේ සියලු ක්‍රමයන්ගේ සැකසුම් ඉහත Local Area Network හෝ WiFi මගින් සම්බන්ධ වනවිට හා බොහෝ සෙයින් සමාන වන අතර නමුත් එය පියවරෙන් පියවර පහත දක්වා ඇත.

HSDPA වැනි වෙනත් මෘදුකාංගයක් (Mobile Partner) මගින් සම්බන්ධවන විට මෙම සැකසුම් මෙසේ කලත් නැවත එම මෘදුකාංගය හරහා සම්බන්ධවන විට ඒව එම මෘදුකංගය අනුව සකසාගන්නා නිසා ඔබ මෘදුකංගයෙන් සම්බන්ධ වන්නේනම් එම මෘදුකාංගයේ සැකසුම් කිරීම ප්‍රමාණවත්. නැතිනම් එම මෘදුකාංග තිබුනත් සාමාන්‍යය ක්‍රමයට වින්ඩෝස් මගින් සම්බන්ධ වන්නේනම් ඒ සඳහා මෙම සැකසුම් කිරීම සැහේ.

ඉහත නෙට්වර්ක් එක හා සම්බන්ධ වන සම්බන්ධතාවය සොයාගැනීම ආකාරයට හෝ ශෝට්කට් ඇතිනම් එමගින් හෝ වින්ඩෝස් 7 හි Icontray හි වයර්ලස් අයිකනයෙන් ්හෝ නෙට්වර්ක් අයිකනයෙන් අපගේ සම්බන්ධතාවයේ Properties වෙත පිවිසිය හැකිය.

Vista හා XP වලනම් Start හි Connect to මගිනුත් සම්බන්ධතාවයන්ගේ Properties වෙත පිවිසිය හැකිය.

කෙසේ හෝ එම සම්බන්ධතාවයේ Properties වෙත පිවිසෙන්න

එහි Networking ටැබයේ ඇති ලැයිස්තුවෙන්  Internet Protocol Version 4 (TCP/IPv4) තෝරා Properties බටනය ක්ලික් කරන්න.

සාමාන්‍යයෙන් Dialup හා ADSL, HSDPA සම්බන්ධතාවන්ගේ IP ‍සේවාදායකයා විසින් ලබාදෙන අතර අප DNS සැකසීම ප්‍රමාණවත් වේ. ඒ සැකසීමට Use the following DNS server address ලබාදී පහත කොටු තුල DNS සර්වරයන්ගේ ලිපින ලබාදෙන්න.

HSDPA සම්බන්ධතා සඳහා Mobile Partner මෘදුකාංගයේ සැකසුම්.

මෘදුකාංගය විවෘත කර Tools හි Options වෙත පිවිසෙන්න

වම්පස තිරුවේ Profile Management තෝරා  තමන් සම්බන්ධ වන සම්බන්ධතාවයේ Profile Name තෝරන්න. Profile නැතිනම් එකක් සාදාගන්න.ඉන්සපු EDIT ක්ලික්කර Edit Mode එකට පිවිසෙන්න.

ඉන්පසුව Advanced ක්ලික්කර න්න

පැමිනෙන  වින්ඩෝවේ DNS Settings හි Static බටනය තෝරන්න. ඉන්පසු පහත ටෙක්ට්බොක්ස් වල DNS සර්වර ලබාදෙන්න

Router සඳහා.

අන්තර්ජාලය සඳහා ADSL හෝ WiMax සම්බන්ධතාවයක් භාවිතාකරයිනම් ඒ සඳහා ADSL හෝ DSL රවුටරයේ සැකසුම් කිරීමෙන් මුලුජාලයේම DNS සැකසීම එකවර කල හැකි අතර එවිට ජාලයේ පරිගණක ස්වයංක්‍රියව රවුරයෙන් ලබාගන්නා DNS ලිපිනය (රවුටරටයේ) තිබුනත් රවුටරයේ DNS ‍වෙනස්කල නිසා එම සර්වර හා සම්බන්ධවේ.

විවිධ රවු‍ටරවල විවිධාකාරයෙන් සැකසීම් ඇති අතර ලබාගත් රවු‍ටර කීපයක විස්තර පහත දැක්වේ. සමහර රවුටර වල අන්තර්ජාල සම්බන්ධතාවය සැකසීමේදීම DNS සර්වර ලබාදිය යුතු‍වේ. එසේනම් සැකසීමේදී හෝ එම අන්තර්ජාල සම්බන්ධතාවය Edit කිරීමෙන් DNS මාරුකරගත හැකිය.

සමහර රවුටර වල TCP/IP ය‍ටතේ හෝ DNS Server නමින් වෙනමම සැකසුම් කිරීමට ඇත.

LK  ඩොමේන වල ප්‍රධාන ගැටලුවක් තමා DNS සැකසුම් සකස්කිරීම. ඒ කියන්නෙ අපිට DNS වෙනස් කරන්න ඕනෙන්ම ඒ අයට (LK Domain Registrar ට)  කියල දවස් කීපයක් බලන් ඉන්න ඕනෙ. ඒ වගේම  සකසලත් මේක යාවත්කාලීන වෙනන්ත් දවස් කීපයක් යනවනෙ. ඒත් GoDaddy (Total DNS) හා WHM වගේ සේවා භාවිතා කරන අය දන්නව ඇති අපි ඩොමේනයේ සැකසුම් එම ආයතන වල  DNS සර්වරයක් වෙත සැකසුවිට එම සර්වරයෙන් අපිට අපගේ ඩොමේනයේ Zone සැකසුම් මගින් අපට අපගේ ඩොමේනයේ හා සබ් ඩොමේන වල විවිධ සැකසුම් වෙනස් කරන්න පුලුවන්. ඒකියන්නෙ MX, A, CNAME, NS වගේ සැකසුම් කැමති කැමති විදිහට සැකසීමේ හැකියාව තියනව.

ගෝඩැඩී අය මේක එයාලගෙ ඩොමේන වලට නොමිලේ ලබාදෙන සේවයක්වන අතර බොහෝ හෝස්ටින්ග් ආයතන මේකට අයකිරීමක් සිදුකරයි. මෙම සැකමීමේ විශේෂත්වය වන්නේ DNS එනම තිබියදී අපගේ වෙබ් අඩවියේ හෝස්ටින් විවිධ ආයතන හා සර්වර වලට මාරුකර මෙම Zone සැකසුම් මගින් ලේසියෙන් සැකසිය හැකි වීමයි. තවද DNS යාවත්කාලීන වීම‍ට දින කීපයක් ගියත් මෙම සැකසුම් මිනිත්තු කීපයකින් යාවත්කාලීන වීමයි. එවිට අපගේ LK ඩොමේනයේ හෝස්‍ටින්ග් වෙනස් කලත් අපට අවශ්‍යය වෙලාවට අවශ්‍යය විදිහට ඒ අයට දැනුම්දීමකින් තොරව ඉක්මනින් වෙනස්කල හැකි. මෙය ගෝඩැඩී ‍සමාගම ඔවුන්ගෙන් මිලදී නොගත් ඩොමේන සඳහාද නොමිලේ ලබාදෙන අතර එම සේවාව Off DNS නමින් හදුන්වයි. එය සක්‍රිය කිරීමට ‍GoDaddy හි Domain Manager වෙත ගොස්

එහි ඉහල ඇති Tools හි Off-DNS වෙත යන්න.

එහි ඉහල දකුණු පස ඇති Add Off DNS මගින් අපගේ ඩොමේනය මෙම සේවයට ඇතුලත් කරගත හැකි අතර

ඇතුලත් කල ඩොමේනය ක්ලික් කර එහි සැකසුම් Total DNS ආකරයටම සිදුකල හැකි.

අපගේ ‍ඩොමේනයේ DNS සැකසුම් ගොඩැඩී වෙත යොමුකල යුතුයි එය බොහෝ දුරට

mns01.domaincontrol.com

mns02.domaincontrol.com

වෙත යොමුකල යුතු අතර එම DNS සර්වරය අපගේ ඩොමේනය මෙම සේවාවට ඇතුලත් කිරීමේදීත් ඇතුලත් කල පසුත් එම ලැයිස්තුවෙන් බලාගත හැකි.

මේ දවස්වල අපේ අන්තර්ජාලයේ ගුණාත්මක භාවය ගැන විවිධ දොස් අසන්නට ලැබෙනව. ඒත් ඒවාට පිලියම් යෙදුවයි කියලනම් හොයාගන්න අමාරුයි. මීට ටික කලකට පෙර හොදම වේගයක් මොබිටෙල් අන්තර්ජාල සම්බන්ධතවල තිබිබ. මේ පිළිබඳව සිංහල බ්ලොග් ලියන්නන් නිතරම කථාකලා.  මීට පෙර කීප වථානකදී මොබිටෙල් සමාගම විශාල වශයෙන් මිල අඩුකලා. ඒ වගේම විවිධ හේතු නිසාත් බොහෝ දෙනා මොබිටෙල් වෙත මාරු උනා.

ඒත් සමගම ජාලයන්ට දරාගත ‍නොහැකි ලෙස ග්‍රහකයින් සංඛාව ඉහල යාමත් නිසා සේවාවේ ගුණාත්මක භාවය බිදවැටුනා. ඒ අයට පැමිණිලි කළාම ‍විවිධ දේ කියල එයාල ඇග බේරගන්නව. ලේසියකට හොයල නිවැරදි කිරීමක් සිදුවන්නේ නෑ. මෙවැනි අත්දැකීම් බොහෝ දෙනාට ඇති. රටේ කෑම බීම අවුලක්නම් ඒ වෙනුවෙන් පාරිභෝගිකයන් කෑ ගසනවා මෙන්ම අන්තර්ජාලයේ අවුලක්නම් අන්තර්ජාලය භාවිතා කරන්නන් වශයෙන් අපි යම්කිසි හඬක් නැගිය යුතුයි. එය අපට තනියම කල නොහැකි. අප තනියම අදාල ආයතන වලට පැමිණිලි කිරීමෙන් පලක් වන්නේ නෑ. ඒකට අන්තර්ජාලය තුල අප හඬක් නැගීම වැදගත්

මෙහිදී අන්තර්ජාලයේ හඬක් නැගීමට බ්ලොග්කරුවන්ට විශාල මෙහෙයක් කල යුතුයි. අපට සැපයෙන අන්තර්ජල සම්බන්ධතා බොහෝමයක නිසි ගණාත්මක භාවයක් නෑ. අප ගෙවන මුදලට සරිලන සේවාවක් එම ආයතන අපට සැපයීම ඔවුන්ගේ යුතුකමක්. එහෙත් අපට අනවශ්‍ය ලෙස මිල අඩුකිරීමෙන් ඔවුන්ට හොද සේවාවක් ලබාදිය නොහැකි. මිල හා සේවාවේ ගුණාත්මක භාවය යන දෙකම එකකට එකක් සම්බන්ධ නිසා. අපට දෙනවයි කියන බොහෝ අන්තර්ජාල සම්බන්ධතාවල කියන්නා වූ ගුණාත්මක භාවයක් නෑ. ගුණාත්මක භාවය කියන්නෙ වේගයම නෙවේනෙ. අනික කියන වේගයවත් මේ දවස් වල නෑනෙ. මෙයට බොහෝ දුරට හේතුව රට තුල එම ආයතන වලට හොද ජාලයක් නොතිබීමයි.

එමෙන්ම මතක ඇති මොබිටෙල් සමාගම 7.2mbps හා 14.4mbps මෙන්ම මේ ලගදි 28.8mbps ක් වැනි ඉහල වේගවක් සහිත ජාලයන් ඔවුන් සතුව ඇතිබවට විවිධ ප්‍රචාර ගෙන ගියා. එහෙත් ඇත්තෙන්ම ඔවුන්ට එවැනි වේගයක් ලබාදිය හැකිද? අපට 3.6 යැයි කියමින් පැකේජයක් ලබාදුන්නත් එහි වේගය 3.6 ක් ලැබේද? අඩුම කරමින් ඉන් 50% ක් වත් ලැබෙන්නේ කොපමණ කළාතුරකින්ද? ‍

මීට පෙර ඩයලොග් සමාගම 7.2mbps වේගයක් සහිත අන්තර්ජාල සේවාවක් පටන්ගත්තත් ඔවුන්ට එම ‍වේගය ලබාදිය නොහැකි නිසා එම වේගය 1mbps දක්වා අඩුකලා. නමුත් එම සම්බන්ධතාවයේ සීමාව ඉක්මවායෑමේදී වේගය අඩුවීම වැලැක්වීම වෙනුවෙන් දිනකට කැමති අය ගෙවන මුදල හිටි හැටියේම රු 100 සි‍ ට රු 250 දක්වා වැඩිකරල.

එයාටෙල් සමාගම අන්තර්ජාල සම්බන්ධතාවන්ගේ සීමාරහිත සම්බන්ධතාවයක් හදුන්වාදුන්නත් එයට මීට කීප දිනකට පෙර 10GB සීමාවක් පනවල

එවැනි මිල වැඩිකිරීම් හා පැකේජ වෙනස් කිරීම් අප පැකේජය ගැනීමේදී අත්සන් තබන ලියවිලි වලට අනුව ආයතනය පැත්තෙනුත් සාධාරනයි. එහෙත් එම පැකේජයන් ගැනීමේදී ඉහල වේගයන් අඩුමිල පවසමින් පාරිභෝගිකයා මුලා කර අවසානයේ එම මිල ගනන් වැඩි කිරීමත් සේවාව කප්පාදු කිරීමත් සාධාරනද

සුභ කාරණයකට ඇත්තේ මීට මාස කීපයකට පෙර අපගේ විදුලි සංදේශන නියාමන කොමිසම විසින් අන්තර්ජාලය ගැන සොයා බැලීමට කමිටුවක් පත්කිරීමය  (කාලිංග අයියගෙ ලිපිය) . විශේෂයෙන් අපට අසල රටවල මෙසේ හිතුමතේ පාරිභෝගිකයා රවටමින් දැන්වීම් දැමීම නීතියෙන් තහනම්ය. එමෙන්ම එම රටවල අන්තර්ජාලය වෙනුවෙන් වෙනමම ගුණාත්මක භාවය පිළිබඳ සීමා ඇත. තම අන්තර්ජාල සම්බන්ධතාවය පවත්වාගත යුත්තේ මෙම අවම සීමාවන්ට වඩා හොද තත්වයේය. එහෙත් ලංකාවේ එවැනි කිසිම සීමාවක් හෝ අවම සේවා ගුණාත්මක භාවයක් නොමැත. පාරි‍භෝගිකයින් යම් වරදක් පෙන්වාදුන් විට විවිධ අය හා අංශ වලට වරද පටවා ඔවුන් බේරෙනව.

ලංකාවේ තිබෙන ප්‍රධාන ගැටලුවක් තමා අන්තර්ජාතික සම්බනධතාවයේ වේගය එනම් International Bandwidth එක. මේක වැඩි නොකර මේ අය සීමාවට වඩා පාරිභෝගිකයින් වැඩිකරමින් යනව. දැනට දේශීය අන්තර්ජාල පාරිභෝගිකයා පිවිසෙන බොහෝ වෙබ්අඩවි අත්තේ දේශීය සර්වර් තුල නොව විදේශයන්ගේය. එම නිසා International Bandwidth අපට වැදගත්‍. ලර්න් ඒෂියා ආයතනයේ අධ්‍යයනනයන්ට අනුව බොහෝ අවස්ථාවල RTT අගය වැඩිම අගයක් ගන්නේ අපගේ සේවාදායකයාත් විදේශයන්ගේ ප්‍රථම සර්වරයත් අතරය. ඒ සම්බන්ධතාවය ‍අපගේ සේවාදායකයන් අපවගේම වෙනත් ආයතන වලින් මිලදිගන්නා සම්බන්ධතාවයක්. අපගේ සේවාදායකයාගේ යුතුකම ඒ වෙනුවෙන් ඔවුන් පැමිණිලි කිරීම. හෝ යම් ක්‍රමයකින් එම සම්බන්ධතාවයේ ගුණාත්මක භාවය වැඩි කිරීම. එහෙත් ඒ වෙනුවෙන් ඔවුන්ට පැවසීවිට ඔවුන් පවසන්නේ ඒක අපේ ලෙඩක් නෙවේ. අන්තර්ජාතික අවුලක්.

මෙනැනි තත්වයක් තුල අප මේ වෙනුවෙන් පෙලගැසීමක් යම් හඬක් නැගීමක් අවශ්‍යයි. මේ වෙනුවෙන් විවිධ පර්යේෂණ කරන හා සේවාවේ ගුණාත්මක භාවය පිලිබද නිතර සෙවිල්ලෙන් සිටින ලර්න් ඒෂියා ආයතනය විශාල මෙහෙයක් මේ වෙනුවෙන් සිදුකරනව. ඔවුන් ‍මීට පෙර කීප අවස්ථාවකදී අපවෙනුවෙන් අදාල ආයතන හා දකුණු ආසියානු නියාමන වරුන් ඉදිරියේ හඩක් නැගීමට සමත්වූවාක් මෙන්මට ඒ වෙනුවෙන් යහපත් ප්‍රථිචාරද හිමිඋවා. අප එක් අයෙක් කෑ ගසනවාට යම් පිරිසක් එකතුවී හඩක් නැගීම සාර්ථකත්වය කරාලගාවීමට හේතුවක්.මෙසේ අපත් ඔවුන් හා එක්වී හඩක් නැගීමට අවශ්‍යයයි. ඒ වෙනුවෙන් අවස්ථාව දීමටත් එම ආයතනය සූදානම්. අප හඬක් නැගුවාට ඒ වෙනුවෙන් යම් සාදක හා දත්තයන් ඉදිරිපත්කල යුතුයි. නිකම්ම කෑගසා වැඩක් නැත. හරියට උසාවියට නඩුවක් දැමීමට සාක්ෂි අවශ්‍යයි මෙන්ම මේ සඳහාද පිලිගත හැකි සාධක අවශ්‍යය වෙනව.

දැනට ලර්න්ඒෂියා ආයතනය එසේ රැස්කල දත්තයන් බොහෝ ප්‍රමාණයක් තිබෙනව. ඒ වෙනුවෙන් ඔවුන් පළමුව පරිගණකයට මෘදුකාංගයකුත් ඉන්පසු ජංගම දුරකථන සඳහා මෘදුකාගයකුත් නිපදවා නොමිලේ බෙදාහැර තිබෙනවා. එමගින් අපට අවශශ්‍ය පරිදි අපගේ අන්තර්ජාලයේ ගුණාත්මක භාවය මැනගත හැකි. මෙහිදී වේගය පමණක් නොව අනෙක් සාධක කීපයක් මැන බැලෙන අතර ඒවා එක් සර්වරයක් සමග පමණක් නොව අපගේ සේවා සපයන්නා, දේශීය සර්වර මෙන්ම අන්තර්ජාතක සර්වර සමගත් වෙන වෙනම වේගයන් හා ‍අනෙකුත් සාධක සොයාබලා වාර්ථා කරීමේ හැකියාවෙන් සමන්විත උසස් තත්වයේ මෘදුකාංගයක්. අප සාමාන්‍යයෙන් ස්පීඩ්ටෙස්ට් අඩවියෙන් වේගය මැන බැලුවහොත් එමගින් මනිනුයේ වේගය පමණි. එයත් එක් සර්වරයක් සමගයි. එහෙත් මෙම මෘදුකාංගය මගින් වෙන වෙනමම සර්වර තනක එනම් ‍තම සේවා සපයන්නා, දේශීය හා විදේශීය සර්වර සමග මැන බලයි. අප‍ට අවශ්‍යය කාලයන්ට ස්වයංක්‍රියව මැනීමට මෙය සැකසීමට හැකිවීමත්  විටින් විට වෙනස්වන තම අන්තර්ජාල ගුණාත්මක භාවය මැනීමට හොද මෙවලමක්.

එමෙන්ම අප විවිධ අය විවිධ ප්රකදේශ වල විවිධ සේවාදායකයන්ගෙන් ගුණාත්මක භාවය පරික්ෂාකරීමෙන් සියලුදෙනාගේ තොරතුරු වලින් යම් නිගමන වලට එලබීමට මෙන්ම හඩක් නැගීමටත් හැකි. හඩක් නැගීමට වඩා අප වැඩක් නැති සේවා දායකයන් අතහැර හොද සේවාවක් සපයන සේවාදායකයෙකුට මාරු‍වීමෙන් මෙන්ම ඒ පිලිබදව අන්තර්ජාලයේ යම් කථාබහක් ඇතිකිරීමෙන් අනෙක් සේවාදායකයන් තම සේවාවේ ගුණාත්මක භාවය වැඩිකිරීමට පෙළඹීම නැවැතිවය නොහැක්කකි

‍මීට දින කීපයකට ඉහතදී ලර්න් ඒෂියා ආයතනය මෙම මෘදුකාංගයේ ජංගම දුරකථන සඳහා වන සංස්කරනය  නිතුත් කිරීමේ උත්සවයේ මේ ඉහත කරුණු බොහෝ දේවල් සාකච්චාවට ගැනුනු අතර එම මෘදුකාංගයේ iPhone හා Anaroide සඳහා නිකුතුවත් ලගදීම සිදුකරන බවයි පැවසුනේ.

ලර්න් ඒෂියා ආයතනය – http://lirneasia.net/

AT Tester හා මෙතෙක් එකතු කල දත්තයන් – http://www.broadbandasia.info/

‍

මෑතකදි සිංහල බ්ලොග්කරුවන් අන්තර්ජාල අවුල් ගැන ලැයවුනු ලිපි

මුලින්ම ගූගල් මැප් එකේ ලංකාවෙ සැටලයිට් රූප විතරයි තිබ්බෙ. දැන් ටික කලකට පෙර ලංකාවෙ ප්‍රධාන මාර්ග හා ප්‍රධාන නගර වල සිතියම් ගූගල් මැප් එකේ හදාගෙන යන බවක් දැක්ක. ඒත් මේ සිතියම් තිබ්බට අපට අවශ්‍යය මාර්ගය සොයගන්න. එනම් අපිට කුරුණෑගල සිට නුවර යම් ස්ථානයකට මාර්ගය දැනගන්න අවශ්‍යයයැයි කියමු. ඒ ‍සේවාව මෙතෙක් කල් ලංකාව තුල තිබ්බෙ නෑ. ලංකාවෙ අපිට ලංකාවෙ සිතියම් විතරයි බලන්න පුලුවන්. ඒත් දැන් අපිට අවශ්‍යය ස්ථාන දෙක දුන්නහම අදාල මාර්ගය, දුර, දල වශයෙන් වෙලාව, හා හැරෙන්න ඕනෙ යන්න ඕනෙ පාරවල් ගූගල් මැප් එකේ දෙනව. මම හිතන්නෙ මේක දවස් කීපයකට පෙර ඉදන් තියෙන්න ඇති.
ජංගම දුරනථනයෙ Google Map තියනවනම් හදිස්සියට කටිටියගෙන් අහන්න ඕනෙ නෑ, ඒවගේම GPS තියන දුරකථන වලින් වැඩ ගන්න ලේසි වෙයි. හැබැයි තාම Street View කියන සේවාවනම් නෑ. ඒකත් ලගදිම එයි.
මට මේක අද කණාවට හමුඋනේ. කාලිංග අයිය 13 වෙනිද තියන වැඩමුලුව තියන තැන මැප් එක දාල තිබ්බ. ඒකෙ රේණුකා හෝටලයෙ විස්තරය බලද්දි කොල්ලුපිටිය දුම්රිය ස්ථානයේ ඉදන් මීටර් 800 ක් දුරින් කියල තියනව. එ‍තකොට තමා ‍මේක කරල බලන්න හිතුනෙ.
මේකෙන් කුරුණෑගල ඉදන් උනත් ගන්න පුලුවන් මාර්ග විස්ත‍රය. මම හිතන විදිහට තාම දෙන්නෙ සාමාන්‍යය මාර්ග විස්තරය විතරයි. දුම්රිය මගින් පෙන්වන්නෙ නෑ. බොහෝ දුරට නිවැරදිව විස්තර ‍තියනව. ඕනෙ උනොත් හොයල බලන්න.

මේ ලින්ක් එක මම බලපු විස්තරය
http://maps.google.com/maps?f=q&source=s_q&hl=en&geocode=&q=Renuka+City+hotel,+colombo&sll=37.0625,-95.677068&sspn=54.928982,79.013672&ie=UTF8&hq=Renuka+City+hotel,&hnear=Colombo,+Sri+Lanka&z=14&iwloc=A&cid=13074399835183943025

දේශීය අන්තර්ජාලයේ ගුණාත්මක භාවය වැඩිකිරීම සඳහා ඔබගේ සහයෝගය ලබාදීමට අවස්ථාවක්. අන්තර්ජාලය පිලිබදව විවිධ අධ්‍යනයන් සිදුකරන ලර්න් ඒෂියා ආයතනය ලංකාවේ අන්තර්ජාල සේවා සැපයුම් පිළිබඳව විවිධ පර්යේෂණ සිදුකරමින් එහි ගුණාත්මක භාවිය වැඩිකිරීමේහිලා විශාල සේවයක් සිදුකරන ආයතනයකි. ලංකාවේ පමණක් නොව දකුණු ආසියාවේ බොහෝ රටවල අධ්‍යනයන් සිදුකරන මෙම ආයතනය වාර්ෂිකව හා අතර මැද එම රටවල අන්තර්ජාල සේවවන් හා එහි ගුණාත්මක භාවයන් පිළිබද වර්ථාවන් නිකුත් කරන අතර එමගින් ලාංකීය අන්තර්ජාල සේව සපයන්නන් මෙන්ම එම රටවල අන්තර්ජාල සේව සපයන්නන් බොහෝ වැදගත් දේ ලබාගෙන තම සේවාවන් වල ගුණාත්මක භාවය වැඩිකර හොඳ සේවාවක් ලබාදීමට උපයෝගීකරගනී.
මීට මාසකීපයක‍ට පෙර ලර්න් ඒෂියා ආයතනය අන්තර්ජාල සේවාවේ ගුණාත්මක භාවය මැනගැනීම උදෙසා AT Tester (http://www.broadbandasia.info/ )නමින් වේගය මැනීමට මෘදුකාගයක් නිකුත්කරන ලද අතර එමගින් අපගේ අන්තර්ජාලයේ වේගයන් හා ගුණාත්මක භාවය විස්තර සහිතව මැනගතහැකිය. එමෙන්ම එම ප්‍රථිපල ආශ්‍රයෙන් ලබාගත් වාර්ථාද එම අඩවියෙන් නොමිලේ ලබාගත හැකිය.
මෙම මෘදුකාංගය මෙතෙක් කල් භාවිතාකල හැකියාව තිබුනේ වින්ඩෝස් පරිගණක සමග පමණි. එහෙන් මෙම මෘදුකාගයේ ජංගම දුරකථන සඳහා නව නිකුතුවක් නිකුත්කිරීමට මෙම ආයතනය සැරසෙයි. ‍එම නිකුත්කිරීමේ උත්සවයට සිංහල බ්ලොග් කරුවන්ට විවෘතව එම ආයතනය ආරාධනා කර සිටින අතර 2010 පෙබරවාරි 13 වැනි සෙනසුරාදා දින උදේ 9.30 සිට 12 දක්වා කොළඹ ගාලුපාරේ රේණුකා හොටලයේදී පැවැත්වේ.
අස්ථාව බිලොග් කරුවන්ට විවෘත ‍හා නොමිලේ උවත් ආසන සීමිතය. වැඩි විස්තර 0777933309 හෝ ranmalee@lirneasia.net මගින් ලබාගත හැකිය.

අකුරෙන්ම චැට් කරන්නෙ නැතිව එක එක හැගීම් කෙලින්ම මූනෙන්ම කියගන්න පුලුවන්නෙ. Skype එකේ ඒ මූනවල් හා හැගීම් ටික ක්ලික් එකකින් දාගන්න පුලුවන්. Google වලත් ඒවගෙන් ටිකක් තියනව. ඒත් Facebook Chat එකේදි Emoticon හරි smilies දාගන්න ගියහම ඒව හෙය හොයා ඉන්න ඕනෙ. මම හිතුව මට හමුවුනු ලැයිස්තුව හැමෝටම බලාගන්න දාගන්න. Facebook chat එකේදි ඕනෙ උනොත් භාවිතා කරන්න

මේ සමහරක් SMS වලදිත් වැඩ

smile!

: ) or :- )

 

big smile!

: D or :- D

 

wink!

; ) or ;- )

 

happy eyes!

Happy eyes: ^_^

 

laughing eyes!

Laughing eyes: >:o

 

cat smile!

Cat smile: :3

 

grumpy!

Grumpy: >:-(

 

sad face!

Sad: : ( or :- (

 

crying!

Crying :   :’ (

 

shocked!

Shocked :   : o or :- o

 

cool!

Glasses:   8 ) or 8- )

 

cool!

Cool shades: 8-|

 

tongue out!

Rude: :p or :-p

 

WOOT?!

Woot?!: O.o

 

 

Dork emote: -_-

 

not amused!

Duhhh emote: :/ or :\

 

Devil!

Devil emote: 3:)

 

angel!

Angel emote: O:)

 

a kiss!

Kiss emote: :-* or :*

a love heart!

Love emote: <3

Pacman!

Pacman: :v

 

robot!

Robot:  : |]

 

weird guy\'s face!

Weird guy’s face: :putnam:

 

shark emoticon

NEW Shark emoticon: (^^^)

 

penguin emoticon

NEW Penguin emoticon: <(")

 

*සමහරක් Similies හා Emocticons වල අතර මැදිට හිඩසක් (Space) දැම්ම. නැතිනම් ඒව wordpress මගින් පින්තූර වලට හරවන නිසා

සාමාන්‍යයෙන් අපි අන්තර්ජාලයේ සර්වරයකට ගොනු අපගත කරන්නේ FTP සහයකයක් ආධාරායෙන්. ඒ මෘදුකාංග‍ය අපගේ පරිගණකයට බාගත කරගෙන. ඒ වගේමයි අපගේ වෙබ්සර්වරටක ඇති ගොනු වෙනත් සර්වරයකට ගැනීමටනම් ඒවා බාගත කර අපගත කරන්න සිදිවෙනව. නමුත් මේකට විකල්පය තමා NET2FTP කියන වෙබ් FTP සහයකය. මේක අපේ පරිගණකයට බාගත කිරීමක් නෑ. කරන්න තියෙන්න් එම වෙබ් අඩවියට ගොස් අපගේ සර්වරයේ FTP විස්තර ලබාදී ලොග් වීමයි. ඉන්පසු සාමාන්‍යය පරිදි ගොනු අපගත, බාගත කරගත හැකි.

තවද එම සර්වරයේ ඇති ගොනු වෙනත් සර්වරයකට කෙලින්ම තැන්පත් කල හැකි FTP ආදාරයෙන්. ඒත් එම NET2FTP අඩවියෙන් නොමිලේ මෙම සේවය සැපයුවත් ඔව්න් අපට දිනකට නියමිත Bandthdth එකකට සීම කරනව. මෙහිදී ගැටලුව මතුවන්නෙ විශේෂයෙන් වෙනත් වෙබ්සර්වරයකට ලිපි යැවීමේදීයි.එයට කල හැක්කේ අපගේ වෙබ් සර්වරයට එම FTP ගොනුවෙන් ලොග් වෙලා ඉන්පසු එහි එක් ෆෝල්ඩරයට එම Net2FTP ගොනුව ස්ථාපනය කිරීමයි. ඒකට SQL මුකුත් ඕනෙ නෑ. ඉන්පසු ඒ අය දෙන අපටම වෙන්වූ සැබැදුමෙන් එම අප ස්ථාපනය කල NET2FTP installer එකට පිවිසිය හැකි.

ඉන්පසු ඒ ආධාරයෙන් අපගේ අඩවියට අපට‍ අවශ්‍යය ඒ අය දෙන බොහෝ මෘදුකාංග බාගත කරගත හැකි. wordpress, Joomla, වගේ බොහෝ නොමිලේ දෙන පැකේජ මෙහි ඇතුලත්. නැතිනම් අපට අප දන්නා ගොනුවේ වෙබ් ලිපියන මෙයට දී එය කෙලින්ම සර්වරයට බාගත කරගත හැකි. මෙහිදී බාගත වනුයේ අපගේ සර්වරයටම නිසා පරිගනකයට බාගත කර අපගත කරනවාට වඩා වැඩි වේගයක් මෙහිදී ලබාගත හැකි. ඒ ආදාරයෙන් NET2FTP පැකේජයත් අපගේ සර්වරයට ස්ථාපනය කර අප‍ට අපගේ අඩවියට ලොග්විය හැකි.
එවිට මෙයට බලපානුයේ අපගේ අඩවි‍යට ඇති Bandwidth එකයි. එමෙන්ම Net2FTP අඩවිය හරහා සිදුකලාට වැඩි වේගයකින් අපගේ සර්වරයෙන් වැඩකල හැකි.

මෙම Net2FTP සහයකය අපගේ සර්වරයට ස්ථාපනය කර එහි Temp නැමති ‍ෆෝල්ඩරයේ අවසර 777 ලෙස සැකසිය යුතුයි. අප වෙනත් වෙබ් සර්වරයකට ගොනු කෙලින්ම යැවීමේදි එම ගොනු මෙම ෆෝල්ඩරයට තැන්පත් පී නැවත අපගත වේ.

හැබැයි කෙලින්ම සර්වරයකට ලිපි මාරැකිරීම වැනි අන්තර්ජාලය හරහා සිදුවන දේ හැර අපගේ පරිගණකයේ ඇති ගොනුවක් අපගත කිරීමට හදුසි අවස්ථාවකදී මෙය භාවිතා කිරිම හොදයි. මෙයට වඩා අප පරිගණකයේ සිට ගොනු අපගත කිරීමේදී හා බාගතකිරීමේදී  Filezilla වැනි යෙදුම් මගින් වැඩි වේගවක් ලබාගත හැකි.

Net2FTP බාගත කරගැනීමට – http://www.net2ftp.com/download/net2ftp_v0.93.zip

අපි හුගග් දෙනෙක් ගූගල් මැප් ‍එකෙන් කරන්නෙබොහෝ දුරට සැටලයිට් රෑප ගන්න එ‍කනෙ. නැතිනම් සිතියමක් බලාගන්න එක. මොකද දැන් ලංකාවෙත් බොහෝ ප්‍රධාන නගර වල සිතියම් ඇදලනෙ තියෙන්නෙ. ඒත් මේකෙ සේවාව ඊට වඩා පුලුල්. ලංකාවෙ නැතත් වෙන රටවල අපිට ගමනක් යන මාර්ගය, ඒ ගමනට අවශ්‍යය පොදු සේවාවන්ගේ වේලාවන් හා අනෙකුත් විස්තර බලාගන්නත් පුලුවන්නෙ. මම කියන්නෙ ඒගැන නෙවේ. අපි මෙහෙම සිතියමින් හරි සැටලයිට් එකෙන් හරි බලන තැන් වලට අපි ගිහින් බලනව වගේ ඇවිද ඇවිද කැරකි කැරකි බලන්න තියනවනම් කොහොමද? ගූලල් වල මේ සේවාව හුගක් කාලෙක ඉදන් දීපු එකක්. ඒකියන්නෙ අපි මැප් බලද්දි පැත්තෙන් තියන විශාලනය කරන එකට උඩින් මිනිහෙක්ගෙ ලාංජනයක් තියනව දැකල තියනවද? ඒ කියන්නෙ street view කියන සේවාවෙ බටනය
බො‍හෝ විට මේ බටනය තියෙන්නෙ අක්‍රියව. ඒ කියන්නෙ මේ විදිහට අදුරු වෙලා

ඒත් ප්‍රධාන නගර වල ඒ සැරිසරද්දි ඒ ලාංජනය සක්‍රිය වෙනව. ඒ කියන්නෙ ඒ ප්‍රදේශය street view සදහා සහය දක්වනවා කියලයි. මේ සේවාවෙන් කරන්නෙ අපි පාරෙ බැහැල බලනව වගේ වට පිට බලන්න හැකිවීම. ඒත් මේ සේවාව තියෙන්නෙ සමහර නගර වල විතරයි. ලංකාවෙනම් නෑ. ඒ සේවාව තියන තැන් බලාගන්න ලේසියි මැප් එක පොඩ්ඩක් පොඩි කලාම ඒ මුලු ප්‍රදේශයේ කොහෙ ‍හරි මේ සේවාව තියනවනම් බටනය සක්‍රිය වෙයි. එතකොට බටනය ඇදන් ආවහම මෙම සේවාව තියන ප්‍රදේශ නිල්පා‍ට වෙනව.

එතකොඑ ‍ඒ කොහෙන් හරි තියන්න පුලුවන්. නැතිනම් ඒ නගරයක් ලොකු කරල අවශ්‍යය තැනින් ඒ බටනය ඇදන් ඇවිත් ස්ථාන ගත කලාම අපිට ඒ ස්ථානයේ ඉදන් බලනව වගේ බලන් පුලුවන්.

අපි කොහෙ හෝ නගරයක ඇවිදල බලන්න ඕනිනම් මේකෙන් බලන්න පුලුවන්. නැතිනම් අපි කොහාට හරි යන මාර්ගයක් හොයාගත්තනම් ඒ කියන්නෙ Direction ගත්තොත් ඒ පාර දිගේ ඇවිදල බලන්නපුලුවන්.

මේ ආකිරයට පාර දිගේ යද්දි අපි‍ට උඩ ය‍ට බලන්න, වටේ බලන්න පුලුවන්ත ඒ වගේමයි පාර දිගේ යන්න, හන්දි වලින් හැරෙන්නත් පුලුවන්.

ඒ වගේම ඒ ස්ථාන වල ෆොටෝ ගන්නත් පුලුවන්. ඒ ෆොටෝත් ගුණාත්මක භාවයෙන් නරකම නෑ. කරල බන්න.

මම යද්ද‍ රෙකෝඩ් කරපු එකක් පහත තියනව. බලන්න

‍වීඩියෝව HD බලන්න ආවෙ නැත්තම් වීඩියෝ එක උඩ ක්ලික් කරල  එන කවුලුවෙ HD ඇති

පින්තූර ලොකු මදිනම් ඒව ක්ලික් කරල ලොකු කරලගන්න පුලුවන්.
මෙම සේවය http://maps.google.com/ වලින් ගන්න පුලුවන්