Malinda's Blog – මාලින්දගේ සටහන

හුග දවසකින් බ්ලොග් ලියන්න හම්බුනේ නෑ.මේ දවස්වල ටෙලිකොම් එකේ අන්තර්ජාලය මාර අප්සට්. හැම වෙලාවෙම පිස්සු කෙලිනව. ping එකක් දිගටම යවද්දි 5-6 කට සැරයක් Timeout. ආයෙ අපි පිටුවක් ලෝඩ් කරද්දිත් ඒකමයි. වෙනද මෙහෙම නෑ. කාලය වැඩි උවත් Timeout නෑ. මේක ඇනයක්. මේක නිසා අන්තර්ජාලය අවුල් ජාලාවක්. වෙබ් පිටුවක් ලෝඩ් ලොත් අතර මගදි ලෝඩ් උනාට එන්නෙ නෑ. ආයෙ Refresh කරන්න වෙනව. සතියක් විතර එක දිගට තියෙද්දි ටෙලිකොම් එකට කීව. දින දෙක තුනක් ගියත් ආවෙ නෑ. කථාකලාම කියනව අදම එයි. දිනයක් ඇතුලත එයි. ඒත් ආවෙ නෑ. අඩු ගානෙ ඇමතුමක් වත්. වෙනදනම් කීව ගමන් ඇවිත් බලනව. උපරිම දිනයයි. දැන් මේකට සතියක් විතර තාම නෑ. ඒ පාර රවුටරේ මාරු කලා. ස්විච් එක මාරුකලා. ස්පුලිටර් මාරුකලා. ඒත එමමයි. එසේමයි. අපේ විතරද අවුල බලන්න ඇහුව යාලුවො දෙතුන් දෙනෙක්ගෙන්. ඒ අයටත් ඒ විදිහටම අවුල්. එයාල ගනන් අරන් නෑ. දැන් දිගටම අවුල. චැට් එකක මොනව හරි ගැහුවොත් ඒක යන්න දවසක් යනව. ඒ අය හිතල තියෙන්නෙ ඒ අයගෙ අවුලක් කියල. ඒ පාර හුගක් අය ටෙලිකොම් කථාකලේ නෑ. වැඩක් නෑ කියල. මොකද මේ පාර විභාගෙ ඉවර උනාම අපේ හුගක් අය අන්තර්ජාලයට ඉල්ලුව. ඒ අයගෙ ප්‍රොමේෂන් වලදි කියන දවස් 3න් දෙනව කියල. අර අයට සතියක් ගියත් නෙට් නෑ. අහපුවහම කුරුණෑගල පෝට් ඉවරයි, ගෙනාව ගමන් දෙව කියනව. ඒව ගෙනාපුවට පස්සෙ ඉල්ලුම් කල අයටත් ඒ තැටියම දානව. ඒක නිසා හුගක් අය ගනම් ගත්තෙ නෑ. ලෙ‍ඩේ එක දිගට ‍නෙවේ. එනව‍‍. යනව.
ස්පීඩ් පරීක්ෂා කලාට අවුගත් නෑ. හිටපු ගමන් සර්වරය හා සම්බන්ධ විය නොහැකිය කියනව. Ping Test එකේදිත් ඒක. ඒත් Speed test ඒකේදි ටෙස්ට්‍ වෙන්න පටන් ගත්තොත් අවලුක් නෑ. හොද වේගයත් යනව. මම හිතන්නෙ එහෙම වෙනනෙ ‍Timeout වෙන නිසා වෙන්න ඇති. වේගයේ අවුලක් නෑ

Speedtest

SpeedTest

ඔන්න හුග කාලෙකින් බ්ලොග් එකට ලිපියක් ලියනව. මේකනම් මොබිටෙල් පෙරගෙවුම් අන්තර්ජාල පාරිභෝගිකයන්ට සුභ ආරන්චියක්. මෙච්චර කල් මොබිටෙල් පෙර ගෙවුම් අයට දුන් අන්තර්ජාල පහසුකම් සක්‍රිය කල වේලාවේ සිට දිනයයි. නමුත් නව සම්බන්ධතාවය සක්‍රිය කල දින සිට දින 7 ක් වලංගුයි. මෙහි මෙගාබයිට් 200 ක් ලැබෙන අතර සක්‍රිය කිරීමේ ගාස්තු රු 75/- යි. ඒ අනුව පෙරගෙවුම් අන්තර්ජාල වල මෙගාබයිටය ශත 37 කට ආසන්න ගානකට පහත බස්සවල.

වේගයත් 1mbps වෙනකම් දෙනවලු. සක්‍රිය කිරීමට *071*75*1# අමතන්න

උපහාර පැකේජය ගත් අයට හා ගන්නා අයට දැන් නව පැකේජ 2ක් හදුන්වා දීල. අනිත් හැම එකම ගාස්තු වෙනස්කලාට උපහාර වෙනස් කලේ නෑනෙ. දැන් ඒකට පැකේජ හදුන්වා දීල. ඒ කියන්නෙ අපි ගාව උපහාරයක් තියනවනම් අපිට කැමති නම්බර ක් නම් කරන්න පුලුවන්. ඒවට මාසික ගාස්තුව රු 50/-යි. ඒත් සමහර ගාස්තු පෙරගෙවුම් පැකේජයට සමානයි හා අඩුයි

එම කණ්ඩායම ඇතුලෙ
ඇමතුම් ශත 50යි
කෙටිපණිවිඩ ශත 25යි
MMS ශත 50යි

අනෙක් මොබිටෙල් අංක වලට
ඇමතුම් රු 1/- යි
කෙ‍ටි පණිවිඩ ශත 75 යි
MMS රු 2යි

අනෙකු ජාල වලට
ඇමතුම් රු 3/- යි
කෙ‍ටි පණිවිඩ රු 2/-
MMS රු 5/-

මාසිකව ජාලය තුල වීඩියෝ ඇමතුම් විනාඩි 50ක් නොමිලේ

සම්බන්ධකා ගාස්තුව – රු 100/-
තැන්පතුව – රු 500/-

මීට අමතරව උපහාර පැකේජ වලට අමතරව DATA පැකේජයක් සම්බන්ධ කරගන්න පලුවන්.
ඒ පැකේජයේ මාසික ගාස්තුව රු 240/-
මාසිකව ගිගාබයිට් 1ක් නොමිලේ. සීමාව ඉක්මවූවිට මෙගාබයිට් 10ට රු 2/-යි

හැබැයි සම්බන්ධතා ගාස්තුව රු 250/-
තැන්පතුව රු 1000/-යි

ටෙලිකොම් සමාගම තම පුලුල්පරාස සම්බන්ධතා සදහා තවත් තාක්ෂණයක් යෙදවීමට යයි. ඒ දැනට ඩයලොග්, ලංකාබෙල්, හා සන්ටෙල් සමාගම් වල පුලුල්පරාස අන්තර්ජාල සේවා සදහා යොදා ගන්නා WiMax තාක්ෂණයයි. මෙමගින් ඩයලොග් මෙන්ම PSTN දුරකථන සම්බන්ධතාවය හා අන්තර්ජාල සේවාව යන දෙකම මෙමගින් ලබාගත හැකි. ‍ADSL මෙන් දුරවැඩිවෙද්දි වේගය දුර්වල වීම හා දෝෂ ඇතිවිවීම අවම වීමත් උඩුගත වේගයත් හොදින් ලබාගත හැකි WiMax තාක්ෂණය මෙතෙක් කල් ADSL ලබාගත නොහැකි අය‍ට මෙන්ම අනෙක් අයටත් ලබාගත හැකි. හැබැයි තාම මේක පර්යේෂණ මට්ටමේලු. තව නොබෝ දිනකින් ලබාගත හැකි.

අද හා හෙට කුරුණෑගල තියන miniinfotel ප්‍රදර්ශණයට Intel වල අලුත්ම ප්‍රොසෙසරය සදහා වන මවු පුවරුවක් ගෙනත් තියනව Nex Computer ආයතනයෙන්. ඒක ගැන කියන්නම ඕනෙ නිසයි මම මේක ලියන්න හිතුවෙ. අපි සාමාන්‍යයෙන් දකින් පරිගණක මවු පුවරු වලට වඩා බොහෝ වෙනම් මේ මවු පුවරුව. මේකෙට ගහන්න පුලුවන් LGA1366 වර්ගයේ i7 හා AMD ප්‍රොසෙසර් පමණයි.
ඒ වගේම රුම් කවුලු 6ක් තියනව මේ පුවරුවෙ. ඒවට 24GB වෙනකම් RAM ගහන්න පුලුවන්. හැබැයි ඒව DDR3. බෝඩ් එකේ SATA port 10 ක් පුවරුවේ හා eSata 2 ක්, ඒ සදහා විදුලි සැපයුමක් තියනව. IDE සදහාත් එක් Port එකක් තියනව. VGA කාඩ් 3ක් මේකට ගහන්න පුලුවන්. USB කවුලු 8 ක් හා Gigabit Network port 2ක් තියනව. ඊට අමතරව මේකත් එකක් බොහෝ වයර් හා උපාංග ‍හමුවෙනව. මේකටම VGA එකක් ගෙනාව. සාමාන්‍යය එකකට වඩා හොද Performance තියන nVidia 9800GT එකක්.

9800GT VGA

9800GT VGA

මම ඉතින් ‍ඔරිජිනල් VGA එකෙයි සාමාන්‍යය එකෙයි වෙනස කියන්න ඕනෙ නෑනෙ.
මේවගෙ ගානත් ඒ වගේමයි.  මම ගත්ත ඡායාරෑප වගයක් මෙන්න තියනව.

GA-EX58-UD5 Motherboard

GA-EX58-UD5 Motherboard

GA-EX58-UD5 Motherboard

GA-EX58-UD5 Motherboard

මේ මවු පුවරුව ගැන වැඩි විස්තර

http://www.gigabyte.com.tw/Products/Motherboard/Products_Overview.aspx?ProductID=2958

මේක මොබිටෙල් අයට සුභ ආරංචියක්. මොබිටෙල් සමාගම තමන්ගෙ අන්තර්ජාල පැකේජ සමග නොමිලේ දෙන දත්ත ධාරිතාව වැඩි කරල. මගෙ එකේ නොමිලේ දෙන දත්ත ප්‍රමාණය 3959 MB කියල තිබ්බ 2009-09-11 to 2009-10-09 වෙනකම්. මම වැඩිය ගනම් ගත්තෙ නෑ. මොකක් හරි අවුලක් කියල හිතුවෙ. ඒ අන්තිම ලපිය ” Mobitel HSDPA එකේ අවුලට Airtel EDGE වලින් ඇගබේරගත් හැටි” එකට දෙන්නෙක්  අදහස් දාල තිබ්බ. ඒ පාර මොබිටෙල් එකේ පාරිභෝගික සේවයෙන් ඇහුවහම එමෙ නෑ කීව. ඒ පාර මේක මට විතරක් නෙවේ නිසි ඇහුව දන්න කියන පුද්ගලයෙකුගෙන්. ඒයි තහවුරු කල. අලුත් පකේජනම් නෑ. හැබැයි ගනමම් හා නොමිලේදෙන දත්ත ප්‍රමාණයයි වෙනස් කරලතියෙන්නෙ

490 එක්නම් දන්න විදිහට වෙනසක් නෑ

890 පැකේජයේ නොමිලේ ලැබෙන දත්ත ප්‍රමාණය ගිගාබයිට් 2 ඉදන් ගිගාබයිට් 4 දක්වා වැඩි කරල. වෙගයනම් එකමයිලු. ඒත් සීමාව ඉක්මවා භාවිතා කිරීමේදී මෙගාබයිට් 10 ‍ට රු 2/- යිලු‍

2490ට තිබ්බ පැකේජයේ ගාන රු 1290ට අඩු කරල. ඒකෙ නොමිලේ දෙන දත්ත ප්‍රමාණයත් ගිගාබයි‍ට් 8 දක්වා වැඩි කරල. සීමාව ඉක්මවා භාවිතා කිරීමේදී මෙගාබයිට් 10ට රු 1.50යි.

ඔන්න ඉතින් මෙහෙම අඩු කලා කියන්නෙ අනිත්වගෙත් විශේෂයෙන් ටෙලිකොම් වලත් ආයෙ අඩුකලොත් හොදා. ගිය පාරත් එහෙමනෙ උනේ. මුලින් මොබිටෙල් අඩුකලා. ඊට පස්සෙ ටෙලිකොම්. මේපාරනම් අඩු කරයිද දන්නෙ නෑ. ඒත්  බලන් ඉන්නයි තියෙන්නෙ.

මේක මොබිටෙල් හා එයාටෙල් ගැනයි. මම භාවිතා කරන්නෙ මොබිටෙල් අන්තර්ජාල සබදතාවයක්නෙ. අලුතෙන් ලැප්ටෙප් එකත් හම්බුන නිසා මාම කීව කිරිඅම්මත් එකක් Skype ‍එකෙන් වීඩියෝ ඇමතුමක් ගන්න ඕනෙ කියල. ගමට ඉතින් මොන අන්තර්ජාලෙද. ඒක නිසා මම ලැප්ටොප් එකයි, මොඩම් එකයි ඔක්කොම අරන් ගියා ගමේ. ගම කීවට පුංචිලගෙ ගෙදර. තියෙන්නෙ කොටදෙනි‍යාවෙ. ගිරිඋල්ල ආසන්නයෙ. එහෙ ගිහින් ගහල බලපු පාර බලාපොරොත්තු උන විදිහටම 3G තිබ්බ.  හැබැයි අන්තර්ජාලය හා සම්බන්ධ උනහමයි ‍දැක්කෙ එහාට HSDPA ත් තියනව. මට මාර සතුටුයි.
ඒත් අන්තර්ජාලය මාර ස්ලෝ. බලද්දි සිග්නල් ලාවට. ඒත් ඒ ගනම් තියෙද්දි වෙනදට ගෙදරදි හොද වේගයක් ඒ කියන්නෙ 1Mbps ම ඇවිත් තියනව. ඒත් එහෙ නෑ. අනිතිමට ගෙදරවගේම USB වරය දෙකක් ගහල දැම්ම එලියට. ඒපාර මෙන්න සිගනල් 1-2 අතර දෝලනව වෙනව. වැඩේ ගොඩ තමා කියල ආයෙත් සම්බන්ධ කලා. කෝ නැනේ‍ වේගය. උපරිම Download වේගය 10 Kbit/s ‍වගේ යන්නෙ. ඒකෙන් මොනව කරන්නද. දෙතුන් පාරක් ට්‍රයි කලා. නෑ… දැන් මටත් වහ නෝන්ඩිය. එතකොට තමා මතක් උනේ යාලුවෙක් Airtel අන්තර්ජාල සබදතාවයක් අරන් මේ දවස්වප භාවිතා කරන්නෙ නැති නිසාත්, අපේ‍ ගෙදරට සිග්නල් බලන්නත් එකක් දුන්න. ඒක තාම පර්ස් එකේ.
ඒකට අපේ ගෙදරට සිග්නල් තිබ්බෙ නෑ හරිය‍ට. ඒත් යාලුවෙක්ගෙ ගෙදර ගහපුවහම හොද වේගයක්. ඒ කියන්නෙ මෙහාට 3G නැති නිසා Edge වලින් 236 ට ආසන්න වෙන්නම ආව.
මම කලේ මොබිටෙල් එක අයින් කරල දැම්ම ඒ සිම් එක. ෂ….. ඒක නියමෙට වැඩ. වීඩියෝ ඇමතුම්ත් ලොකු අවුලක් තිබ්බෙ නෑ. බාගත කිරීමට වඩා උඩුගත කිරීමේ වේගය හුගක් ආව.මට මතක විදිහට 150kbps (හරියටම නෙවේ) වගේ ආව. හැබැයි ඇමතුමේදි බාගත කිරීමේ වේගය ආවෙ 100kbps ට වඩා අඩුවෙන්. එහාටත් 3G නෑනෙ. ඒත් ඇමතුමට බාධාවක් නෑ. අපිට‍ පෙනෙන රූප වල ගුණාත්මක භාවයනම් අඩුයි. ඒත් නරකම නෑ. එයාලටනම් හොදට ආවලු. මේ ඇමතුම යන අතරෙ ගත්ත මොබිටෙල් එකට. මගෙ සම්බන්ධතාවය මොබිටෙල්නෙ. අනික මොබිටෙල් වල උඩුගත කිරීමේ වේගය වැඩි නිසා වීඩියෝ ඇමතුම් හොද ගුණාත්මක භාවයක් තියනව. මොබිටෙල් එකට ගත්තහම අපරාදෙ කියන්න බෑ ටක් ගාල ගත්ත. අවුල කීවහම අදාල අන්ශයට දාන්නම් කීව. ලයින් එකේ හිටිය. අදාල අංශයෙන් එක්කෙනෙක් සම්බන්ධ උනහම ගැටලුව කීව. එතකොටම මෙන්න ඇමතුම විසන්ධි උනා.
මට ආව තරහ… ඊට පස්සෙ ගත්ත ආයෙත්. අරන් විස්තරෙයි කලින් උන එකයි කීවහම, එයා මාව කොහාටවත් දැම්මෙ නෑ. කලේ වෙනද වගේ පැමිණිල්ලක් දැමීම විතරයි. මොනව කරන්නද. පැමිණීල්ල දාල එයාටෙල් එකෙන්ම ගිය. කලිනුත් මෙහෙම පැමිණිලි දැම්මට, එයාල අපිට කථාකරනව කීවට, තාමනම් කථාකරල නෑ. මේකටවත් ගනීද දන්නෙ නෑ. කොහොම හරි මොබිටෙල් HSDPA වෙනුවට Airtel EDGE වලින් අග බේරගත්ත.

මම මොබිටෙල් එකෙන් ස්පීඩ් ටෙස්ට් කරන්න හැදුවට සයිට් එකටවත් යන්ට වේගයක් නෑ. එයාටෙල් එකේ වේගවල් මෙන්න. මීට වඩා උඩුගත කිරීමේ වේගයක් ආව ඇමතුමේදී.

හුග කාලෙකින් තමා මේ බ්ලොග් එක ලියන්නෙ‍. විභාගෙත් ඉවර උනාට මෙලෝ දෙයක් කලේ නෑ. එහෙ මෙහෙ යනව. දැන් මාර නිදහසක්. මේ ලියපු නැති දවස් වල ලියන්නනම් ‍දේවල් ගොඩයි. ඒත් ලියන්ට හම්බුනේ නෑනෙ. හරි ඒව පස්සෙ ලියමුකො.
දැන් ලියන්න හදන්නෙ ටිකක් වෙස් මෘදුකාංගයක් ගැනයි. සාමාන්‍යයෙන් බොහෝ වෙබ් කැමරා එකක් විවිදාකාරයේ මෘදුකාංග හමුවෙනව. ඒත් ඒවාට වඩා ටිකක් වෙනස් ඒ වගේ ස්ලෝ වෙන්නෙ නැති එකක් තමා මේ මෘදුකාංගය. මේකෙන් ආපේ කැමරාව ඇතුව හෝ නැතිව තමාට වර්චුවල් කැමරාවක් හදා ගන්න පුලුවන්.
සයිබර්ලින්ක් යූ කෑම් කියන එක ‍එහෙම මාර විදිහටනෙ ස්ලෝ වෙන්නෙ‍. ඒත් මේකෙ ‍එහෙම නෑ. ඒ වගේම ඊට වඩා හුගක් දේවල් මේකෙන් කරගන්න පුලුවන්. වැදගත්ම දේ තමා මේකෙන් හදන වර්චුවල් කැමරා‍ව, එක පාර මෘදුකාංග කීපයක භාවිතා කරන්න පුලුවන්. ඒ කීවෙ සාමාන්‍යය කැමරාවකින් අපි ස්කයිප් ඇමතුමක් ගන්නවනම් ආයේ ඒ කැමරාව වෙන ඒවාග එප පාර භාවිතා කරන්න බෑනෙ. ඒත් මේකෙන් ඒ වැඩේ කරගන්න පුලුවන්. අපේ කැමරාව මේ මෘදුකාංගය හරහා අරගෙන එක පාර කීප තැනක භාවිතා කරන්න පුලුවන්.
මේකෙන් කරගන්න වැඩ ගොඩක් කරගන්න පුලුන්. අපිට ඕනෙනම් අපේ කැමරාව නැතිව ඒ වෙනුවට පින්තූරයක්, අපේ තියන පොඩි වීඩියෝ ක්ලිප් එකක්, නැතිනම් ෆිල්ම් එකක් උනත් දාගන්න පුලුවන්. අපිට ‍අපේ තියන ෆීල්ම් එකක් වෙනත් එකක්කෙනෙක්ට අන්තර්ජාලය හරහා තෝරගන්න දෙන්න එහෙම මේ ක්රමය මරු. මොකද සම්පූර්ණ ෆිල්ම් එකම බාගන්නවත් උඩුගත කරන්නවත් ඕනෙ නෑ. ඒ වගේම තමා මේකෙන් අපේ කැමරා පාන්තූරයට එකක එක රූප (Avatars) දාගන්න, Effect දනේන පුලුවන්. තව ඕනෙනම් අපේ ඩෙස්ක්ටොප් එකක් උනත් ඒ යට පෙන්වන්න පුලුවන්. මුලු ඩෙස්ක්ටොප් එක නැතුව කොටසක් හරි ඕනෙනම් පුලුවන්.
තව වැදගත් වැඩක් පුලුවන්. අපේ පසුබිම අයින් කරන්න පුලුවන් මේකෙන්. ඒ කියන්නෙ අපි පිටිපස්සෙන් වෙනමම කොල පා‍ට වගේ තිරයක් දාන්න ඕනෙ නෑ. කරන්න තියෙන්නෙ අපි නැතිව අපේ පසු‍බිමේ පින්තූරයක් මෙයාට දෙන එකයි. එතකොට මේකෙන් අපි වෙන පසුබිමක තියාගන්න පුලුවන්. හැබැයි ආලෝකය හරියට තියෙන්න ඕනෙ. තව වැදගත් වැඩ ගොඩක් තියනව. ඒවගේම මේ ක නොමිලේ දෙන මෘදුකාංගයක්. දාල බලන්න.

මෘදුකාංගය – ManyCam-  http://www.manycam.com/

සිටිලින්ක් දුරකථන සදහා මෙතෙක් කල් යොදා ගත්තෙ 060 කියන කේත ක්‍රමයයි. ඒක දුරකථනය කුමන ප්‍ර‍දේශයේ තිබුනත් එකම කේතය. නමුත් දැන් ඒක වෙනස් කරල. අනෙක් ස්ථාවර දුරකථන වගේ දැන් සිටිලින්ක් දුරකථන සදහා යොදාගන්නෙත් එම ප්‍රදේශ‍යේ ප්‍රාදේශිය අංකය. සිටිලින්ක් යැයි හදුනාගැනීමට ප්‍රාදේශීය අංකයට පසුව අංක 3 යොදාගන්නව. එනම් ටෙලිකොම් වල 2, ලංකාබෙල් වල 5 වගේ සිටිලිංක් වල අංක3. ඒ අනුව දැනට භාවිතා වන අංකත් මෙම නව ක්‍රමයට වෙනස් වෙනවලු. ඒ වෙනස් වෙන්නෙ මේ විදිහට

කලින් අංකය 060 2 xxxxxx නම්, නව අංකය (කොළඹ ප්‍රදේශයේ අයට) 011 3 xxxxxx ලෙස වෙනස් වෙනව. වෙන ප්‍රදේශයකනම් ඒ ප්‍රදේශයේ කේත අංකය අදාල අංකය සදහා යොදාගන්නව

එයාටෙල් නිකම් යන එන හැමෝටම සිම් දුන්න. සමහර කොමියුනිකේෂන් වල නිකම් දුන්න. තව ඒව මුදල් අරන් දුන්න. එහෙමත් දීගන්න බැරිඋන අය සිම් වලට රීලෝඩ් දාල යාලුවන්ට දුන්න ඇමුතුම් ඇරන් සිම් එක දෙන්න කියල. ඒ එයාල‍ගෙ විකුණුම වැඩි බව පෙන්වන්න ඕනෙ වෙන්න ඕනි. මොකද මටත් යාලුවෙක්ගෙන් (එයාටත් එයාගෙ යාලුවෙක්ගෙ, යාලුවෙක්ගෙ යාලුවෙක් දුන්න ඒව) සිම් කීපයක් හමුඋනා. ඇමතුම් ගන්න. මම ඇමතුම් අරන් නැවත ඒව දුන්න. ඉතින් මෙහෙම කී දෙනෙක්ට‍ නිකන් දෙනව ඇතිද. මට ලග යාලුවෙක්ගෙනුත් නොවේ හම්බුනේ. මේ විදිහට දීල දැන් දානව දින 171 ක් ඇතුලත පාරිභෝගිකයින් මිලියනයයි කියල. ඒත් මේ අතරෙ කී දෙනෙක් ස්ථාවර අයද දන්නෙ නෑ. මොකද මේ ගත්ත අයගෙන් මම දන්න එක්කෙනෙක්වත් එයා‍ටෙල් භාවිතා කරන්නෙ නෑ. හුගක් අය ගත්තෙ ඒ හම්බෙන ගානට ඇමතුම් ගන්න. තව අය මේ සිම් අරන් එක එක අයට හින්සාකාරී ඇමතුම් දෙනව. හදිස්සියක් වෙලා එයාටෙල් එක‍ට අරන් මොනව හරි කීවහම එයාල සිම් එක අපේද කියල තහවුරු කරගන්නෙ අවසානෙ ගත්ත ඇමතුම් වලින්. මොකද පාරිභෝගිකයගෙ විස්ර එයාල ගාව නෑ.මම මගෙ සිම් එකක් නැති උනා. කථා කරල කීවහම මගෙ විස්තර කිව්ව‍ට බෑලු. අංක කියන්නලු.
මේ සිම් දෙන ආයතන කියන්නෙ එක්කෙනෙක්ට සිම් 3යි ගන්න පුලුවන් කියල. ඒත් මම දන්න අයම අරන් තියනව එක තැනකින් 3යි, තව තැනකින් 3යි. අනේ මෙහෙමත් ජාලයක්. අර එක පාරක් මොබිටෙල් එක ටෙලිකොම් බිල් වලට නිකන් සිම් දුන්න වගේ කරන්නද දන්නෙ නෑ යන්නෙ.