Malinda's Blog – මාලින්දගේ සටහන

දැන් හැමෝම Facebook එකේ ඉන්නව. භාවිතා කරනව. ඒත් බොහෝදෙනා ඡායාරෑපයක් Upload කලාම ඒකෙ අනිත් අය නැතත්, ඒ අයගෙ අවධානය ගන්න මිතුරන් ටැග් කරනව. විහිලු වලදි, නිකමට වගේමත්, සුභපැතුම් වලදිත් මේ විදිහට ටැග් කරනව. ඒත් ඒ කිසිම එකක ඒ මිතුන්ගේ ජීවමාන රෑපයක් තියා නමක්වත් නෑ

මෙහෙමකරන එකෙන් තමනුත් තමන්ගෙ මිතුරනුත් අමාරුවෙ වැටෙනව කියල මොහොතකට හරි හිතුවද?

බලන්න මේ ඡායාරෑපය. මේක මගෙ මිතුරෙක් වන උෂාන් ඇදපු එකක් (එයගෙ වරදක් පෙන්වන්න  දානව නෙවේ, සටහනට අවශ්‍යය නිසා ඔහුගේ අවසරය ඇතිවයි ගත්තෙ). ඒකෙ කීදෙනෙක් ටැග් කරල ඉන්නවද? ඒත් ඒකෙ ඒ එක්කෙනෙක්වත් ජීවමානව ඉන්වද? නෑ. මේකෙ බොහෝදෙනෙක් කරන දෙයක්. ඒක නිසා අනිත් අයත් කරනව. උපන්දියට, අවුරුද්දට, වෙසක් එකට හිතල බලන්න කොච්චර එහෙම ඒව එනවද කියල. (ගිය වසරට වඩා මේ පාර අඩුයි හැබැයි)

මීට මාස කීපයකට කලින් මගෙ මිතුරක්ගෙ පාස්වර්ඩ් එක නැතිව වෙලා හරි කවුරු හරි වෙනස් කරල හරි. මිනිහට Fecebook එකට ලොග්වෙන්න බෑ. හදාගන්න දන්නෙ නෑ කියල මිනිහත් එක්ක උත්සහයක් දුන්න. ඒ වෙලේ Facebook එකෙන් මේ පාස්වර්ඩ් එක රිකවර් කරන්නෙ ගිනුමේ හිමිකරුමයි කියල තහවුරු කරගන්න එයාගෙ ඉන්න මිතුරන් හා එයා ටැග් වෙච්ච Photo කීපයක් දීල ඒව හදුනගන්න කීයනව. ඒත් දුක කියන්නෙ ඒවගෙන් එකකවත් තෝරගන්න තියන ලිස්ට් එකේ ඉන්න යාලුවො නැති එකයි. ඒව එක එක පින්තූර. මල්, ගස්, විහිලු, සිංදු, සුභපැතුම්. මේවගෙ කොහොමද මිනිස්සු හොයන්නෙ. කීප වරක් උත්සහ කිරීමේදී මිනිස් රෑප තියන ඒව ආව. ඒවගෙන් එක්කෙනෙක්වත් මෙයා අදුනන්නෙ නෑ

මොනව කාරන්නද. වැඩේ අල්ල දැම්ම. මොකද මෙයා Facebook එකට දුන්න ඊමේල් එකටත් ලොග්වෙන්න බෑ

මේ වගේ වැඩ වෙන තව කීදෙනෙක් ඇත්ද. ඒ නොදැනුවත්කමට. හුගදෙනෙක් හැමෝම හදන නිසා Facebook එකේ ලියාපදිංචි වෙනව. මිතුරන් ඉන්න නිසා ලියාපදින්චි වෙනව. රැල්ලට ලියාපදිංචි වෙනව. ඒත් ඒකට හරියට වැඩකරන Email එකක් දෙන්නෙ නෑ. Facebook එකට Email Verify කරන්නෙ නැතිව ලොග් උන අයත් ඉන්නවනෙ. ඒ මදිවට යාලුවො ඊමේල් හදල ගිණුම හදල දුන්න අය ඊමේල් එකක් තියනවද දන්නෙත් නෑ. හුගක් දුරට Facebook වැඩ නැති ඊමේල් එකක් දාල තියනවනම් කියනව. ඒක හදාගන්න කියල. ඒත් අපේ අය ඒව අයින් කරල දානව. ඊමේල් එකක් හරියට නැතිනම් තමන්ගෙ ජංගමදුරකථනය හරියට Verify කරල හදාගන්න. හදිස්සි අවස්ථාවක් ඇතිඋනොත් මේ අය මේ දෙකෙන් එකකට තමා දන්වන්නෙ. භාවිතා කරන්නෙ.

උදාහරණයක් විදිහට අපේ ගිණූමට අලුත් පරිගණකයකින් ලොග්වෙන කොට මේ දෙකට කෙටිපණිවඩ හා ඊමේල් එවනව. ඒබව දන්වල. ඒක

Account Settings >Account Security වලින් මේ Notification හදාගන්න පුලුවන්. ඒ වගේම ලොග් උන අයත් මේකෙන් බලාගන්න් පුලුවන්. නොදන්න කෙනෙක් හරි නමකින් ලොග් වෙලානම් ඒක වහාම අයින් කරල දාන්න.

ඒක ආරක්ෂාවට කලාට මොකෝ ඒ අයට සැක හිතෙන වෙලාවට හා අපිට තහවුරුකරගන්න ඕනෙ වෙලාවට ඉස්සර හා තවමත් භාවිතා වෙන Captcha (http://en.wikipedia.org/wiki/CAPTCHA) කියන තාක්ෂණය වෙනුවට සමහර තැන් වල අර ඉහත කීවත් වගේ මිතුරන් හදුනාගෙන අනන්‍යයතාවය තහවුරු කරන Social Athentication තාක්ෂණය භාවිතා කරනව.

මේකෙන් වෙන්නෙ තමන්ගෙ ගිණුමේ ඉන්න මිතුරන් හා තමන් ටැග් වෙලා ඉන්න ඡායාරෑප පෙන්වල ඒවගෙ ඉන්න කෙනා හදුනාගන්න කියනව. උදාහරණයක් විදිහට මගේ පාස්වර්ඩ් එක හැකර් කෙනෙක් හරි, මෘදුකාංගයක් හරි ස්ක්‍රිප්ටයකින් හොයාගෙන ඒ අය ලොග් උනාට මේ ආරක්ෂක ක්‍රියාවලිය නිසා ඉදිරියට යන්න බෑ. අපේ මිතුරන් දන්නෙ අපි විතරක් නිසා. ඒක දියුනුකල ආරක්ෂක ක්‍රමයක් විදිහට තමයි මේ අය භාවිතා කරන්නෙ

ඒත් මේකෙ ගැටලුව තියෙන්නෙ මිනිස් රෑප නැතිව වැරදි ඒවට ටැග් කරන අයට හා තරගයට මිතුරන් හොයන අයට. නොදන්න අය තමන්ගෙ එකේ ඉන්නවනම් ඒ අය අදුනගන්න. එහෙම බැයිනම් අයින් කරල දාන්න. නොදන්න අය ඉන්න එක හා මේ විදිහට ටැග් කරල තියන එකෙන් යම් දිනක තමන්ම හරි තමන්ගේම මිතුරෙක් කරදරයක පත්වෙන්න පුලුවන්. ඒක මේ අවස්ථාවයි කියන්න බෑ. මේක අපි අමාරුවෙ දාන්න හදපු ක්‍රමයක් නොවුනත් අපේ අය භාවිතා කරන විදිහට අමාරුවෙයි වැටෙන්නෙ. ඒක තේරුම් අරන් හරියට භාවිතා කරනවනම් කිසි කරදයක් නෑ. මොකද මේක අපේ යහපතට හැදුව එකක්

ඒ වගේම තමා ඉහත රෑපයේ තියන Security Settings මගින් කෙටිපණීවිඩ සේවය සක්‍රිය කරගන්න. එමගින් වෙන අය ලොග්වෙන වෙලාවට තමන්ට බලාගන්න පුලුන්.

මේ මොනව කලත් අනිත් අයත් තමන්ව ටැග් කරන්න පුලුවන්.  ඒ අයටත් ඒක කියන්න. ඒත් කරන්නම දෙයක් නැතිනම් එක්කො ඒ අයව අයින් කරල දාන්න වෙනව. නැතිනම් තමන් නැති හැම තැනම තමන්ව Untag කරගන්න.

මිතුරන්ව ටැග් කරන්න ඕනෙනම් Status එකේ ටැග් කරන්න පුලුවන්. ඒ @ සලකුණ ගහල මිතුරගෙ නමේ මුලඅකුරැටික ගහද්දි මිතුරන් පල්ලෙහාට දිගඇරෙනව. ඒ අතරින් තෝරන්න පුලුන්. එවිට ඒ අයට Notification එක යනව. පහල ඡායාරෑපයෙ කලා වගේ. ඒ එක්කම පින්තූරයත් Upload කලානම් හරි (පින්තූරයයි, Status එකයි එකට) . ඒ විදිහටම Comment වලත් tag කරන්න පුලුවන්. ඒකෙන් කාටත් කරදරයක් නෑ.

නැතිනම් වෙන්නෙ මේකෙන් තමන් මෙන්ම තමන් නිසා තමන්ගේ මිතුරනුත් කරදරයට පත්වෙන එක. සමහරවිට Facebook ගිණුම අහිමිවෙන තැනට කරදරය දිග්ගැස්සෙන්න පුලුවන්

 

පරිශීලනය - https://www.facebook.com/blog.php?post=486790652130

Update

How Protecting our Facebook and Enjoying It Without Trouble to Others or Yourself

Facebook / Gmail Security Settings & Use HTTPS for Secure, Safe and Speed Web Experience

අද Facebook එකේ පින්තූර වගයක් ලෝඩ් කරන්න හදද්දි අමුතුම අලයක් ආව. ඒ  Cache Proxy නිසා ඇතිඋන ගැටලුවක් නිසා කියලයි හිතෙන්නෙ. ඒ වෙලාවෙ අන්තර්ජාලයෙ ලොකු අවුලක් තිබ්බෙ නෑ. කොහොමත් මොබිටෙල් වල වේගය ගැන අපේ පැත්තෙ කථාකරන්න දෙයක් නෑනෙ. සාමාන්‍යය වේගය තිබ්බ

ඒත් පින්තූර තියා Facebook මුල් පිටුවට යන්නත් බෑ. එකම Error එක. SQUID (http://www.squid-cache.org/) ධාවනය වන සර්වරයක් මගින් තමා දෝෂය දෙන්නෙ. හැබැයි ටික වෙලාවකින් ඒ දෝශය හරිගිය. මම ඒ අවස්ථාවෙ HTTS නෙවේ භාවිතා කලේ. දෝශයෙන් කීවෙ facebook.com හි සබ් ඩොමේනයකට Proxy සර්වයට සම්බන්ධ වීමට නොහැකි බවයි. Time out. ඒ අවස්ථාවෙ අනිත් අඩවි අවුලක් නැතිව වැඩ කලා.

 

Update

ආයෙත් ඒ අවුලම එනව. FireFox/IE වලිනුත් Facebook විතරක් ලෝඩ් වෙන්නෙ නෑ. අනිත් අඩවි වැඩ. හිටපු ගමන් හරියනව. ආයෙත් අවුල එනව. උඩ මැසේජ් එක ආවෙ නැතත් සයිට් එක ලෝඩ් වෙන්නෙ නෑ. චැට්ත් අවුල් යනව. https දැම්ම  කියල මටනම් අවුලෙ වෙනසක් නෑ. ඒ වගේමයි ඉදල හිටල වැඩ කරන වෙලාවටත් හොදටම ස්ලෝ. ඒත් FB විතරයි

 

මේ අයගෙ හිටි හිටි ගමන් එක එක අල. එක පාරක් පැය 4-5 ක් අන්තර්ජාලය යන්නම බෑ. කෝල් කලාම තමා කොළඹින් පිට අලුත්වැඩියාවක් කීවෙ. අඩුම ගානෙ ඔච්චර දේශපාලන හා අනිකුත් වෙලද දැන්වීම් වලට කෙටිපණිවිඩ එවන මොබිටෙල් එකට මේ සම්බන්ධව දැනුවත් කරන්න බෑනෙ.

නැතිනම් Google Apps Status (http://www.google.com/appsstatus#hl=en) වගේ එකක් දැම්මනම් අපිට බලාගන්න පුලුවන් සේවාවෙ තරම. හැම වෙලේම කෝල් කරන්න ඕනෙ නෑනෙ. අනික කොච්චර හොද සේවාවක් ද කියල බලාගන්න පුලුවන්

මොනව උනත් දැන් මොබිටෙල් ජංගම දුරකථන සිම් එක අයින් කලා වගේ අන්තර්ජාල සම්බන්ධතාවයත් අයින් කරන්න තත්වයට ඇවිත් තියෙන්නෙ. ඒකට හේතුව මේක නෙවේ. අන්තර්ජාල සම්බන්ධතාවයේ එක එක අවුල්. වේගය ඕනෙ කිසිම වෙලාවක නෑ. රෑ දෙගොඩ හරියට නම් ඔන්න 2Mbps විතර වේගයක් එනව. අනිත් වෙලාවට පට්ටම ස්ලෝ. රෑට උපරිම 100Kbps. ඔය උඩ තියන වේගයෙන් බලාගන්න පලුවන්.  මේ ගැන කථාකරල කීවහම ඒ අය පැමිනිල්ලක් දැම්ම. මම හිතුවෙ ඒකෙන් වැඩේ වෙනද වගේම හරි කියල. හැබැයි ඒ අය උදේ කථාකලා. විස්තර ඔක්කොම අහගත්ත. හොයල බලනන්ම් කීවෙ. කොච්චර පැමිණිලි දැම්මද. ඒව බලල හැදුවනම් මේ වෙද්දි කොහොම වේගයක් තියෙන්න ඕනෙද?

රත්මලානෙ හා කුරුණෑගල මාරුවෙන් මාරුවට ඉන්න නිසා ADSL  ත් අයින් කලා. මොබිටෙල් අවුල් අවස්ථා වල මම මගේ Dialog Card සිම් එකෙන් දාල බැලුව. හොද වේගයක් ආව. ඒත් අපේ ගෙදරට ඩයලොග්ත් ටවර් 5-6කට වඩා සංඥා එන නිසා එකක්වත් හරියට නෑ. ඒක මගෙ ජංගම දුරකථනයට ඇමතුම් ගන්න අය හොදට දන්නව ඇති. ගෙවල් හරියෙ කුලුණක් ගහන්නත් ගිහින්. කොහෙද. ගමේ එවුන් කචල් එක දාලනෙ. ඒත් සාමාන්‍යය හොද වේගයක් ගෙදරට එනව. ඒක මොබිටෙල් එකට වඩානම් හොදා. තව ටිකක් දවසක් බලල ඩයලොග් එකට මාරුවෙනව

 

 

Etisalat සමාගම දැන් බොහෝ ප්‍රෙද්ශ වල 3G සක්‍රිය කරල තියෙන්නෙ. කුරුණෑගලත් 3G තියනව. හැබැයි තාම අන්තර්ජාල සේවාව නිල වශයෙන් දියත්කරල නෑ. වෙබ් අඩවියෙත් නෑ. (හැංගුණ පාත් එකකනම් හදාගෙන යනව) . දැනගන්න හම්බඋන විදිහට මේ අය HSPA+ තාක්ෂණය භාවිතා කරනව. ඒ කියන්නෙ උපරිම 21Mbps Download වේගයක් හා 5.76Mbps Upload වේගයක් ගන්න පුලුවන්.  ඒ උපරිම වේගය. එම වේගය ප්‍රෙද්ශයේ ග්‍රාහකයින්, ටවර් එකේ සම්බන්ධතාවයේ වේගය, අන්තර්ජාති සම්බන්ධතාවයේ සීමා හා අපගේ පරිගණකයේ විවිධ විවිධ නිර්නායක මත වෙනස් වෙන්න පුලුවන්. නමුත් දැනට මේ අය මෙම ටවර් සම්බන්ධ කිරීමට යොදාගන්නෙ ලංකාවෙ අනෙක් ජාල යොදාගන්නවාට වඩා වෙනස් තාක්ෂණයක්ලු. මොකද අනෙක් ජාල වල අන්තර්ජාලය මන්දගාමී වීමට ප්‍රධාන හේතුවක් වන්නෙ ඒ අයගෙ ටවර් සම්බන්ධා වල දුර්වලකම්

 

ඩොන්ගල් වල මිල ගනම් (Dongle Price)

කාන්තාවන්ට විශේෂ ඩොන්ගල් මෙන්ම HSPA+ ජාලයක් නිසා 21Mbps දක්වා සහය දක්වන ඩොන්ගල් තියනව කියලයි කියන්නෙ.

පැරණි අප ලබ තියන ඩොන්ගල් එක අරන් ගිහින් එයාලගෙ අලුත් එකකට මාරුකරගන්න පුලුවන්ලු. ඒ වගේම පලවෙනි මාසෙ මාසික ගාස්තුවෙන් නිදහස් කරනවලු

 

පසුගෙවුම් පැකේජ (Postpaid Internet Packages)

පෙරගෙවුම් පැකේජ (Prepaid Internet Packages)

මෙම පැකේජ අවශ්‍යය ඕනෑම වෙලාවක වැඩි පැකේජයකට මාරුවිය හැකිය. නමුත් පහල පැකේජ වලට මාරුවිය නොහැක. රු 300 පැකේජය ගිණුමේ මුදල් තිබේනම් ස්වයංක්‍රියව නැවතත් සක්‍රිය වේ (Auto Renew)

සක්‍රිය කර ගැනීමට (Activating Prepaid Data )

වැඩිපුර Data ලබාගැනීමට

 

එමෙන්ම මාසිකව රු 60කට Web Content Filter එකක් ළමුන්ගේ ආරක්ෂාව සඳහා ලබාදේ

දැනට 3G ආවරණ ප්‍රෙද්ශ

 

කෙළඹ හා ඒ අවට

මීගමුව

කුරුණෑගල

නුවර

බදුල්ල

කලුතර

මතුගම

ගාල්ල

මාතර

හලාවත

හම්බන්තොට

අනුරාධපුර

දඹුල්ල

යාපනය

 

ස.යු – සමාගම සේවාව දියත්කරන විට මෙම විස්තර සුලුවශයෙන් වෙනස්විය හැකිය

වගු විශාල කර බැලීමට ඒ මත ක්ලික් කරන්න

මීට දින කීපයක් වන තුරු අපගේ විවිධ රෑපවාහිනී ගුවන්විදුලි නාලිකා වල ගියෙ විවිධ වෙලාවන්. එකක දහවල් එක වෙලා විනාඩි හෝ තප්පර කීපයකින් තමා අනිකෙ එක වෙන්නෙ. මේක නිසා විවිධ කටයුතු වලදී නිවැරදි වෙලාව දැනගන්න එක ගැටලුවක් වෙනව. අන්තර්ජාලය නැති කෙනෙක්ට ඒක බලාගන්න තියෙන්නෙ රෑපවාහිනිය හරි ගුවන්විදුලිය හරි

අන්තර්ජාලයෙන් බලාගන්නවනම්  Google.com වල time colombo කියල සෙවුමක් දැම්මනම් හරි (http://www.google.com/search?q=time+colombo&btnG=Search)

හැබැයි ජංගම දුරකථනයෙ Automatic Time Update කියන එක ඔන් කරල තිබ්බොත් ස්වයංක්‍රියව වෙලාව සකස්වෙනව තමන් ඉන්නා ජාලය අනුව.

මේ විවිධ වෙලාවල් වලට පිලියමක් වශයෙන් රජය මගින් නිල වෙබ් අඩවියක් ජනාධිපතිතුමාගේ ප්‍රධානත්වයෙන් ආරම්භ කලා. එම වෙබ්අඩවිය මගින් ලංකාවේ සම්මත වෙලාව (Sri Lanka Standard Time) නිවැරදිව බලාගන්න පුලුවන්. ඒ අනුව සියලු අයතනව වලට තම තමන්ගේ වෙලාවන් සකස්කරගන්නත් පුලුවන්

එක ජාතියක්, එක කොඩියක්, එක වෙලාවක්..

වෙබ් අඩවිය – sltime.org

මේපාර අවුරුද්දෙ බැලුවනම් රෑපවාහිනී, ඒ හැම එකකම ගියෙ එකම වෙලාව. එකම වෙලාවට නැකත්.
(ජාතික රෑපවාහිනිය 1:00 ට 1:01 කියල දාල කලින් අවුරුදු උදාකලේ වෙලාවෙ වරදකට නෙවේනෙ)

මේක වෙබ් අඩවියක් පමණක් නොව NTP (Network Time Protocol) සහය ඇති සර්වරයක්. එමගින් අපගේ පරිගණකයේ වේලාව ස්වංක්‍රියව එම සර්වරය හා සම්බන්ධ වී සකස්වෙන පරිදි වෙනස් කිරීමේ හැකියව තියනව. එම නිසා තප්පර, විනාඩි හරියටම ටයිප් කරන්න අවශ්‍යය නෑ. එම සර්වරය සමග ස්වයංක්‍රියව වෙලාව වෙනස්කර ගන්න පරිගණකයේ කුඩා සැකසුමක් කරන්න අවශ්‍යයි. ඒක කරන්නෙ මෙහෙමයි.

(මේකෙ කරල තියෙන්නෙ වින්ඩෝස් 7 වල. XP හා විස්ටා වල ලොකු වෙනසක් නෑ. එකම විදිහට කරන්න පුලුවන්. මේ සමහර වැඩ වලා ඇඩ්මිනිස්ට්‍රේටර් අවසර අවශ්‍යය වෙනව.)

මුලින්ම ඔරලෝසිව Click කරල Change Date and Time

නැතිනම් ඔරලෝසිව Right Click කරල adjust date/time යන්න

මෙහිදී සර්වරය සමග වෙලාව සකස්කිරීමට ප්‍රථම අපගේ පරිගණකයේ කාල පරාසය (time Zone)  නිවැරදිව දෙන්න ඕනෙ.

සාමාන්‍යෙයන් ලංකාවෙ Time Zone එක +5:30. ඒත් වින්ඩෝස් විස්ටා හා ඉන් පසු පැමිණි සංස්කරන වල මෙය නැවැරදිව Sri Jayawardhanapura +5:30 ලෙස තිබුණත් ඊට පෙර පැමිණි Windows XP වැනි සංස්කරන වල Colombo +06:00 ලෙස සටහන් කරලයි තියෙන්නෙ. ඒක සකස්කරන්න පිලියම් දෙකක් තියනව

1. ඉන්දියා වල +5:30 Zone එකකට සැකසීම

2. වින්ඩෝස් යාවත්කාලීන කිරීම. මේ සඳහා මයික්‍රෝසොෆ්ට් සමාගම පැචයක් නිකුත්කර තිබේ. එය http://support.microsoft.com/kb/918093 මගින් බාගත කරගත හැකිය

ඒ අනුව Change Time Zone වෙත ගොස් නිවැරදි කාල පරාසය තොරන්න

 

ඒ වගේම අපගේ පරිගණකයේ දිනය වැරදිනම් සමහර සර්වර යාවත්කාලීන කිරීම් ප්‍රතික්ෂේප කරනව. ඒකනිසා වැඩේ කරන්න කලින් දිනය හරියට හදන්න වැරදිනම්. ඒක කරන්නෙ Change Date Time මගින්

 

ඒ වැඩ දෙකම අවසන් වු පස් Internet Time කියන ටැබයට පිවිසෙන්න, එහි Change Settings වෙත යන්න

එහි Synchronize with an Internet Server  කියන චෙක් බොක්ස් එකට ටික් එක දාන්න ඕනෙ. නැතිනම් වින්ඩෝස් මගින් ස්වයංක්‍රියව යාවත්කාලීන වෙන්නෙ නෑ

ඒ වගේම වින්ඩෝස් පෙරනිමියෙන් සර්වරයක් තෝරා ඇති අතර එය සමග නිතර නිතර යාවත්කාලීන කම් ස්වයංක්‍රියව කරගනී. සමහර විට ඔය පරිගණකයේ Time Zone එක වැරදියට තෝරා අන්තර්ජාලයට පිවිසියහොත් නිතරම වෙලාව ඒ time zone අනුව යාවත්කාලීන වන නිසා ඔබගේ පරිගණකයේ වැරදියට පෙන්වන්නේ මෙම නිසාය

මෙහි ඇති සර්වරයක් උවද තෝරාගත හැකිය. නමුත් ලංකාවේ අපිට sltime.org නම් සර්වරයක් රජය මගින් ආරම්භ කරලයි තියෙන්නෙ. ඒක නිසා ඒක දෙන්න

ඉන්පස් UpdateNow ක්ලික් කරන්න. එවිට යට තිබෙන ලේබලය Synchronize Success Full ලෙස දිස්වේවි.

දැන් සියලු වින්ඩෝ OK කර ඉවත් වෙන්න. ඉහත පැවසූ Synchronize with an Internet Server ටික් කර ඇතිනම් වින්ඩෝස් මගින් ස්වයංක්‍රියව යාවත්කාලීන කරගන්නව.

මේ පින්තූර පොඩි වගේනම් ක්ලික් කරල ලොකු කරගන්න පුලුවන්

ඔය වැඩේම වීඩියෝ එකකින් කරන විදිහ විස්තර කරල තියනව.

 

HD නැරඹීමට

මීට මාස කීපයකට කලින් ටෙලිකොම් අන්තර්ජාල සම්බන්ධතා සමහරකගෙ සේවා විවිධ සීමාකිරීම් වලට ලක් වුනා. මාසික භාවිතය අනුවයි එසේ වුනේ. ඇත්තෙන්ම සීමා කිරීම් කියන්නෙ විඩිපුර භාවිතා කරන අය එකතු කරල වෙනමම Group එකකට දාල 1:20 ට ඒ අයට Bandwidth එක වෙන් කරල. එතකොට හැමෝම වැඩිපුර භාවිතා කරන නිසා හුගක් ස්ලෝ.
ඒත් දැන් එහෙම ගැටලුවක් නෑ. මගේ යාලුවෙක්ගෙ Home සම්බන්ධතාවයටත් ඔය FUP එක බලපෑව නිසා සයිට් එකකට යන්න බෑ. ඩවුන්ලෝඩ් බෑ. ඒත් ටොරන්ට් වැඩ ගින්දර වගේ. ඒක නිසා මිනිහ දාගෙන ටොරන්ට් බානව. තියන තරහටත් එකක් යාලුවන්ගෙ ඒවත් බානව.
කෙසේ වෙතත් අප්‍රේල් පලවෙනිද, අපේ දවසෙ මමත් ගියා මේ යාලුවගෙ ගෙදර. ඉස්සර තිබ්බ අවුල තිබ්බෙ නැ. වෙබ් අඩවි හොදින් ලෝඩ් උනා. ඩවුන්ලෝඩ් හොද වේගයකින් ආව.
ඒත් මෙයා ගිය මාසෙ (මාර්තු) 51GB ට වඩා බාගත කරල තිබ්බ Home සම්බන්ධතාවයකින්. මම SLT අඩවියෙන් තමා භාවිතය පරික්ෂා කලේ. මොනව උනත් එහෙම තත්වයක් උඩ මේ වගේ වේගයක් එනව කියන්නෙ දැන් ඒ අය ගැටලුව නිරාකරනය කරල වගේ. නැත්තම් වැඩිපුර භාවිතා කරන කට්ටිය වැඩි වෙලා. එතකොට ඒ කණ්ඩායමේ පිරිස වැඩි වෙනවනෙ.
මෙනව උනත් දැන්නම් ඉතින් ටෙලිකොම් තමා

මේ පහත වේගයන් තියෙන්නෙ කලින් FUP එක නිසා දුක් විදපු සම්බන්ධතාවයක. 512Kbps Home සම්බන්ධතාවයක්. ඒත් 512Kbps = 64KBps ට වඩා වැඩි වේගයක් එනවම සමහර සර්වර සමග

 

 

 

 

Download

 

 

 

 

Reliance (http://www.rcom.co.in) ඉන්දියා සමාගම ඩයලොග් වගේ ජංගම දුරකථන, රෑපවාහිනී, ස්තාවර දුරකතන මෙන්ම අන්තර්ජාල සේවා ලබාදෙන ආයතනයක්. ඒ වගේම මේ අය අධිවේගී අන්තර්ජාල සේවා වගේම HD රෑපවාහිනී සේවාත් ලබාදෙනව.
ඒවගේම Lankabell සමාගමේ අන්තර්ජාල සේවාව හොදයි කියල බොහෝ දෙනා කියන්න හේතුවත් ඒ අය Flag සබ්මැරීන් කේබලය හා සම්බන්ධ වෙන්මෙ මේ reliance India ආයතනය හරහායි. ඒකයි ඒ අය ඔය තරම් කියන්නෙ කෙලින්ම US, UK වලට Connectivity තියනව කියල. එහෙම එකේ මේ අය ලංකාව ආවොත් හොද තරගයක් දෙයි. දැනගන්න හම්බඋන විදිහට මේ අය 2008 සිට ලංකාවට එන්න උත්සහ කරල තියනව. ඒත් ලංකාවෙ Universal Lisenen කියන පහසුම නැති එකත් මේ අයට ගැටලුවක්. එතකොට එකෙන් එකට මේ අයට ලයිසන් ගන්න එපැයි. එහෙමවත් ගන්න බැරිවෙලා.
මොනව උනත් තාමනම් මේ අයට ලයිසන් එක සේවාවකටවත් හම්බවෙලා නෑ. දැන් Etisalat අයත් අප්‍රේල් වල 3g දෙන්න පටන්ගන්න නිසා මේ අයත් ආවොත් හොද තරගයක් තියෙයි. මොකද එටිසලාට් අය interconnectivity වලට භාවිතා කරන්නෙ වෙනමම තාක්ෂණයක් කියලයි ආරන්චිය. අනිත් ඩයලොග්, මොබිටෙල්, එයාටෙල් වගේ නැතිව ඊට පොඩ්ඩක් වේගවත් තාක්ෂණයක්ලු. මොනව උනත් ඒත් එකක්මට මේ reliance ආවොත් අපිට හොද අන්තර්ජාල සේවාවක් වගේම HD රෑපවාහිනී නැරබීමේ අවස්ථාව හිමිවෙනව. දැන් ලංකාවෙ චැනල් බලන්න එක STB එකකුත් HD බලන්න තව එකකුත් භාවිතා කරන්න වෙනවනෙ. මොකද ඉන්දියාවෙ HD තිබ්බට ලංකාවෙ චැනල් නෑනෙ. ඒත් මේ අය ආවොත් ලංකාවෙ චැනලුත් දෙයි. ඒ වගේම ඩයලොග් වලට වඩා අඩු මාසික ගාස්තුවකට ලබාදීමේ හැකියාව මේ අයට තියනව. ඉන්දියාවෙ හා ලංකාවෙ ගත්තහම පාරිභොගිකයින් වැඩි නිසා සැටලයිට් සදහා යන වියදම් බෙදීයනව.
තාම නිල වශයෙන් ප්‍රකාශ කරල නැති නිසා හරියට කියන්න අමාරුයි. මොනව උනත් ලංකාවට ආවොත් අපේ ලක් එක තමා

Some times Youtube and Flash Games Not Work. Becaouse Flash Player Not Installed

Without Administrative Privilege, I will show you how to install Flashplayer to Firefox.

First open any Web browser  except Firefox

Then go to Google.com. Then Search for “FlashPlayer XPI“.

 

Then open the First Link. It will download. Wait until it completes  the download. (Around 1.5 MB)

Then open downloaded folder

Rename file extension from .xpi to .zip

Leave that Window. Open another Window or Run. Type %appdata% and hit enter

It will Open User Data Folder Like

C:\Documents and Settings\<username>\Application Data

<username>- is Windows Username Such as Malinda

Goto Mozilla Folder

If There is No Folder Named ‘Plugins‘ Create Folder name ‘Plugins‘ and Open It. If  ‘Plugins‘ Folder is there, Open it

 

After Open ‘Plugins’ Folder, Copy All Files Inside Renamed Zip File (flashplayer-win.xpi)

*Don’t Copy Zip File. Copy File inside Zip File

 

After Copy C:\Documents and Settings\<username>\Application Data\Mozilla\Plugins Folder Like this

 

Now YouTube Will Work. It Mean Flash Installed

 

Video Guide -

http://www.youtube.com/watch?v=cJhS-ZOnlc0

 

Full Quality Images

https://picasaweb.google.com/malinda555/BlogGuide1

 

Facebook අලුත් කලාට පස්සෙ එයාල හදුන්වල දුන්න අංගයක් තමා theater කියන්නෙ. ඒකෙන් පේජ්එක වෙනස්වෙන්නෙ නැතිව මොඩාල් වින්ඩෝ එකක පින්තූරය හා කොමෙන්ට් ටික ඕපන් වෙනව. ඒත් ඒක මට හෙන කරදරයක්. එකක් අර ඉස්සර වගේ බලන්න අමාරුයි. සමහර වෙලාවට උඩට යටට කරන්න කරදරයි. ඒක නිසා ඒක ලේසියෙන් අයින් කරගන්න ක්‍රම කීපයක් තියනව

• පලමු ක්‍රමය

පලමු ක්‍රමය අපි අතින් අයින් කරන එක. ඒ කියන්නෙ උදාහරණයක් විදිහට ඒ විදිහට එන ලින්ක් එකක් ක්ලික් කරල ඕපන් උනහම ඒ පින්තූරය විවෘත වෙනවත් සමගම Address Bar එකේ ලිපිණය වෙනස් වෙනව
ඒ වෙනස් වෙලා අගට theater කියල කෑල්ල එනව.
උදා – http://www.facebook.com/photo.php?fbid=1924689674031&set=a.1302093189508.2047236.1145812722&ref=notif¬if_t=photo_comment&theater

මේකෙ &theater කියන එක අයින් කලානම් කිසි කරදරයක් නැතිව බලන්න පුලුවන්.

http://www.facebook.com/photo.php?fbid=1924689674031&set=a.1302093189508.2047236.1145812722&ref=notif¬if_t=photo_comment

• දෙවන ක්‍රමය

ඒත් ඒක හැමවෙලේම කරන එක කරදරයි. සමහර වෙලාවට ඒ කෑල්ල නැතිව විවෘත වෙන වෙලාත් තියනව. ඒකට FireFox හා Chrome භාවිතා කරන අයට පිලියමක් තියනව. ඒ කුඩා ස්ක්‍රිප්ට් එකක් ස්ථාපනය කරගන්න එක. එතකොට අර theater විදිහට එන්නෙ නෑ
ඒක කරන්න

Chrome
Chrome භාවිතා කරන අය පහත facebook Photo Theater Killer ස්ක්‍රිප්ටය ස්තාපනය කරගන්න.
ඒකට කරන්න ඕනෙ ඔය පිටුවට ගිහින් Install කියන එක ඔබන එක විතරයි

facebook Photo Theater Killer - http://userscripts.org/scripts/show/96773| Mirror

FireFox

නමුත් FireFox භාවිතා කරන අය මුලින් Greasemonkey දාගන්න ඕනෙ.
ඊට පස්සෙ FireFox Restart කරල
ඉහත Chrome සදහා තිබ්බ facebook Photo Theater Killer වෙත ගොස් එය ස්ථාපනය කරගන්න. එම ස්ක්‍රිප්ටය Greasemonkey මත ස්ථාපනය වේ
*මෙය Firefox 4 මතහ හොදින් ක්‍රියාත්මක වේ

Greasemonkey – https://addons.mozilla.org/en-US/firefox/addon/greasemonkey/
facebook Photo Theater Killer – http://userscripts.org/scripts/show/96773 | Mirror

 

ඔන්න හෙට ඡන්දය නිසා කොළඹ ඉදන් කුරුණෑගල එන්න කියල මමයි අකලංකයි, ධනුෂාන් මලයයි ආව. (මගේ දෙවැනි ඡන්දෙ උනාට මාගේ නිගමන අනුව දාන්න කෙනෙක් නැ). කොටුවට එද්දි 4ට විතර. හම්බඋනේ කැන්ඩි කොච්චිය 4.35. දුරකථනයෙ බැටරි මදි නිසා නවත්වන තැන් බලන්න හම්බඋනේ නැ. ඇහුව දුම්රිය ස්ථානයෙ කෙනෙක්ගෙන් (ටිකට් දෙන නිළධාරියාගෙන්) .” ආ.. ගම්පහ නවත්වනව”  කීව. මොකද මලය බහින්නෙ ගම්පහින්.

පොර කාල පොරකාල නැග්ග. මට විතරයි ඉදගන්න හම්බ උනේ.  කොහොම හරි ගම්පහට ආව.. ඒත් මේක ගම්පහ නැවැත්තුවෙ නෑ. ජංගම දුරකථනයෙන් බැලුව කාල සටහන් (slr.malindaprasad.com). මේක ගම්පහ නවත්වන්නෙ නෑනෙ. වටේ පිටේ අයගෙන් ඇහුවහම කීවෙ කෙලින්ම නවත්වන්නෙ අලව්වෙලු. මල කෙලියයි. මොනව කරන්නද. අලව්වෙන් බැහැල මලයව වෙන කෝච්චියකට දානව කියල ඉදිදි. ඔන්න දාරලුව ස්ථානය පහුවෙලා මීටර 800ක් විතර ගියහම දුම්රිය නැවැත්තුව. අහල පහල ඉන්න අය කීව ටික දුරනෙ බැහැල යන්න කියල. මලයව තනියම යවලත් බැරි නිසා අපිත් බැහැල රේල් පාර දිගේ එනකොට.. කට්ටිය ” මල්ලි චේන් එක ඇද්ද නේද..” කියල කෑගහනව ඇහුන. කොච්චියෙත් ඇහෙන හෝන් එක අමුතුයි. එන පොට හොද නෑ කියල තේරුනෑ. ඒ එක්කමට ඉස්සරහට ගාඩ් හම්බ උනා. මෑන් ගත් කටටම “මෙහෙම කරන එක හොදාදා” කියල හැදුව. ඇග බේරගන්නත් එපැයි. අපි ඇද්ද චේන් එකක් නෑනෙ. “අපිනෙවේ ඇද්දෙ කීව”. එතකොටම කොච්චිය ඉන්න අය කීව චේන් එක ඇද්දෙ මේ පෙට්ටියෙ නෙවේ. ඔය මල්ලිල මේ පෙට්ටියෙන් බැස්සෙ කියල. එයාල නෙවේ ඇද්දෙ කියල.

ඇගට ලේ ටිකක් ඉනුව‍. ඒ එක්කම ගාඩ් කෙනෙක් කීව ඒකෙ නෙවේ ඇදල තියෙන් කියල. දැන් ඇද්ද කෙනා හොයනව. අපිට කලින් බැස්ස කෙනෙක් පාර ඈත යනව දැක්ක. කට්ටිය එයා පිට දාල අපිව ශේප් කලා. “දැන් මල්ලිල යන්න. නැත්තම් ඔයාලටත් අවුලක්” කිව.  අපි ඇග බේරන් ශේප් වෙලා ආව. ඒ එද්දි සීන් එක දන්නෙ නැති අය කෑගහනව. පරක්කු වෙනව කියල.

ඒ අස්සෙ ගාඩ් චේන් එක ඇද්ද එක හරිගස්සන්න දන්නෙ නෑ. හිටපු මිනිස්සු ඒකත් ඒ අයට කියල දීල හදාගෙන ගියා. අපිත් අග බේරගත්ත. අපි දාරලුව දුම්රිය ස්ථානය පැත්තට පයින් ඇවිදන් ආව. මීටර 800 ක් විතර තියනවනෙ. ඔන්න එහෙම එද්දි වටේ පිටේ අය අහනව, “මල්ලි කෝච්චියට කවුරුහරි යට උනාද කියල” ඒවගෙනුත් ශේප්වෙලා දුම්රිය ස්ථානය හරියට එද්දි අර අපිට කලින් චේන් එක ඇදල බැහැල ආව මෑන් හම්බ උනා. මෑන් දන්නෙ නෑ වගේ අපෙන් අහනව “මොකද මල්ලි කොච්චිය නැවැත්තුවෙ කියල” මෑන්ට කියල වැඩක් නෑනෙ. අපි දුම්රිය ස්ථානයට ඇවිත් ගම්පහට යන්න කොච්චි ඇහුවහම අපේ වෙලාවට 5.30 දුම්රියත් කැඩිල. ඊලග එක 6.30ට.

“අයියෙ ගම්පහට පයින් යනවනම් කොච්චර දුරද”, “මල්ලි විනාඩි 20 යි ” , දුම්රිය ස්ථානයෙන් දුර ඇහුවහම උත්තර දුන්න හැටි. මොනව කරන්ද පයින් යන්න විනාඩි 20යි කීව නිසා ඇද්ද තියල පයින්. තනි වෙල් යායා. පයින් යනව යනව ඉවරයක් නෑ. තුන්දෙනා නිසා කථා කර කර ආව. හැබැයි පැයබාගෙකට වැඩිය ගියා. (ගෙදර ආවහමයි දන්නෙ දාරලුව ඉදන් ගම්පහට 2.4km කියල). ඔක්කොම කිලෝමීටර තුනටත් වැඩී. ලැපත් එල්ලන්.

ගම්පහට ආව ගමන් ඔන්න දාරලුව පැත්තෙ ඉදන් පෙට්ටි දෙකේ දුම්රියක් ආව. කට කපල. අර දුම්රිය නැති නිසා දාපු එකක් වෙන්න ඇති. ආව ගමන් මලය ගත්ත කූල් වතුර එක ඇද්ද. කූල් කීවට ගත්යක් නෑ. ඒකේ කූල් එක වැඩී. කැට ගැහිල. ඒක නිසා තිබ්බ තිබහට බොන්න බෑ.  ඒ එක්කම නුවර යන සීඝ්‍රගාමී දුම්රියක් ආව. දුවල ගිහින් නැග්ග ඒකට

ඒකෙ හිටගෙන ආවට හිරවෙන්න සෙනගක් හිටියෙ නෑ. කොයින් කොයින් හරි ටික දුරක් එද්දි ඔන්න අමුතුම ඩයල් එකක් මම ඉස්සරහට ආව. ඉදන් හිටිය අක්ක කෙනෙක් ශීට් එකත් දුන්න. මුලින් හිතුවෙ අර අක්ක බහින නිසා මෙයා ආව කියල. පස්සෙ වටේ ඉන්න අය වතුර බෝතලයක් එයාට දුන්න. වැඩිය වයස නෑ. 25ක විතර කොල්ලෙක්. කථා කලේ නෑ. අතින් වතුර එපා කීව. මෑන් කථා නෑ.

ඒ එක්කම මට මෑන් ඉස්සරහ ඉදගන්න හම්බ උනා. ටිකෙන් ටික මිනිහ ගැහෙනව. ඇස් ගැහෙනව. අත් ගැහෙනව. ගොත ගැහෙනව. ඒත් කථා නෑ. අපිටත් බයයි. වටේ  පිටේ ඉන්න අයත් විස්තර ඇහුවට මුකුත් කියන්නෙ නෑ. එකපාරට වටේ හිමීන් බලාගෙන යනව. ඒත් එක දියහකට ඇස් නාබිගත උනා කියල හිතන්න බෑ. (සමහර විට පේන්නෙ නැතිව යනව ඇති). මුලින් මම හිතුවෙ මොකක් හරි මත්ද්‍රව්‍ය නිසා වෙන අවුලක් කියල. මෑන්ගෙ අතේ තිබ්බ බෑග් එකත් වැටුනට ගානක් නෑ. ඔරලෝසුව ගැලඋනා. ලග හිටියෙ කෙනෙක් හා මම එකතුවෙලා ඒක ආයෙ අතේ බැන්ද. ඒ එකක්ම මායම් වෙලා වගේ අත දිගඇරල හයියෙන් ගැහෙන්න ගත්ත. අපි පොඩි අය නිසා ලොකු අයට වැඩේ බාර දීල අපි නැගිට්ට. ඒ  එක්කෙනාට අපස්මාරය (Fit) එක හැදිලලු. ඒ වගේ කෙනෙක් ගාව අතේ යකට පොල්ලක් තියෙන්න ඕනෙලු. ඒත් මෙයාගාව නෑ. මෙයාට කොච්චියෙ බාර් එකක් අල්ල ගන්න දිල බංකුවෙ දිගාකරල අල්ල ගත්ත. ටිකකින් හරි. ඒත් සිහිය නෑ වගේ. දාඩිය දාල. අපිටත් හෙන දුකයි. කට්ටිය වතුර ටිකක් ගහන්න හදදිද් ඇස් ඇරල එපා බව හැගෙවුව. තාම කථා බෑ. මේ ලෙඩේ හැදුනහම දිව කොට වෙනවලු.

දැන් මෙයා බහින්නෙ කොහෙන්ද හොයාගන්න විදිහක් නෑ. පහුවෙලා ගියොත් පවුනෙ. වෙලාවට අතින් වැටුන බෑග් එක මීරිගම රෙදි කඩයකින් ගත්ත බෑග් එකක්. ඒ පාර කට්ටිය හිතුව මීරිගම වෙන්න ඇති කියල. ඒත් දුම්රිය මීරිගමට එද්දිත් එයා පුටුවෙ නිදි. පණක් නෑ වැඩිය. කට්ටිය කථා කලාට උත්තර දීගන්න බෑ. බහින්නෙ කොහෙන්ද කියන්න බෑ.

කොහොම හරි මීරීගමින් කියල දැනගෙන බැස්සුව. අපිත් කරකවල අතඇරිය වගේ. ඒ දුම්රියෙන් පොල්ගහවෙලින් බැහැල ආයෙ ඊලගට කුරුණෑගල එන දුම්රියෙ ගෙදර ආව. මොනව උනත් එයාගෙ මොනවත් නැති උනේ නෑ. කට්ටිය ඒව ආරක්ෂා කරල දුන්න. උදව් කලා.

මේ වගේ හොද කට්ටියත් අපි අතරෙ ඉන්න එක කෙච්චර දෙයක්ද.

ටෙලිකොම් සමාගම WiMax අන්තර්ජාල පහසුකම් ලබාදෙන්න ගැනීමත් සමග (http://blog.malindaprasad.com/2011/01/12/slt-internet-from-rs-390-via-wimax-4g/) දැන් හොද ස්ථාවර වේගයක් සහිත අන්තර්ජාල සම්බන්ධතාවයක් අපගේ නිවසට හෝ නිතර එහෙමෙහෙ ගෙනයන ලැප්ටොප් එකට ලබාගැනීමේ හැකියාව තියනව. දැනට ලංකාවෙ Dialog, Lankabell වැනි WiMax සේවා සපයනනන් හිටියට මේ අය 4G නෙවේත ඇත්තට මේ 4G කියන්නෙ WiMax වලට අලුත් මුහුණුවරයක්. මේක තාක්ෂනිකවනම් Fixed Broadband විදිහට (line-of-sight)  50Km පමණ දුරකටත් සාමාන්‍යය ඩොන්ගලයක් භාවිතා කරල WiFi (Non-line-of-sight) මෙන් 4Km දුරටත් ලබාගැනීමේ හැකියාව තියනව.

මේ අයගෙ External Antenna ව ගනම් උනාට dongle එක රු 4000/- ක් විතර. ඒක අරන් අපිට අන්තර්ජාලය භාවිතා කරන්න පුලුවන්. මේ අය කියන විදිහට Limited broadband වලට 1:1 Ratio එකක් ලබාදෙනවනෙ. අනික රු 390 ඉදන් පැකේජ තියනව. සීමාව ඉක්මඋවත් ගාස්තුව අනෙක් ජංගම අන්තර්ජාල සේව වල වගේ.

සමහර  අලුතෙන් එන laptop වල WiFi කාඩ් එක WiMax සහය දක්වනව. එහෙම උනොත් වැඩේ ඊටත් වඩා ලාබයි.  ඩොන්ගල් එකක් හරි WiMax කාඩ් එකකින් භාහිර අන්ටනාවක් රහිතව ටෙලිකොම් වල තාමා භාවිතා කරන්න පුලුවන් කුලුනෙ ඉදන් 1Km දුරට විතරයි. ඒක පොඩි ගැටලුවක්. මොකද තාම හැම ප්‍රෙද්ශයම ආවරන කරල නෑනෙ. කොහොම උනත් මේක හොද ආරම්භයක් වෙයි. දැනට තියන ජංගම අන්තර්ජාල සේවා වල ගුණාත්මක භාවය ගන්න දෙයක් නෑනෙ. සමහර ප්‍රෙද්ශ වල.

ඒත් ටෙලිකොම් වල limited Broadband වල හොද වේගයක් තියනව. ඒ වගේමයි ඒ අය 1:1 ratio එකක් දෙනව කියල සහතික වෙනවනෙ

ආවර කළාප - http://bit.ly/ftP9zt

පැකේජ - http://bit.ly/hFQkYP