ගුරැවරයා යමරජුට සම කල මේ කවිය බදුල්ල අධ්යාපන කොට්ඨාෂයෙන් එම ප්‍රදේශයේ සාමාන්‍යය පෙල අපේක්ෂක සිසුන්ට සැකසූ පෙරහුරැ ප්‍රශ්ණ පත්තරේ තිබු කවියකි. අධ්යාපන කලාප කර්ය්‍යාලයෙන් ප්‍රකාශ කරන මෙම ප්‍රශ්ණ පත්තරය සිංහල සාහිත්‍ය‍‍‍ය 2 සදහා ලබාදී එමගින් ප්‍රශණ අසා තිබිනි.
අපායේ ඉදන් එන්න‍ට ඇතැයි සිතේ
යම රජුන්‍ ගේ මිතුරකුදැයි නිතර සිතේ
ගවයන් නොවෙයි ළමයින් පන්තියෙහි ඇතේ
වැරදීමකින් ගුරැපදවිය හිමිව තැබේ
බිරිදගේ අවලාද දෙසවන පුරෝගෙන
ගෙදරින් එනවාද නිතරම ඔරෝගෙන
උගුරැදන්ඩ කැඩෙනාලෙස කෑගසන
මාලුකඩේ මුදලාලිත් සම නොවෙන
ව‍චන වලින් අපගේ සිත් නිති තලන
වැරදීම සොයන විලසින් සිත යොමු කරන
අපේ කරැමයක්ද ඔබ ගුරැ පදවිය ලැබුම
ගුරැ පදවියේ කරැමයදැයි කියනු මැන
එම කවිපන්තියෙන් අසා ඇති ප්‍රශ්ණ මෙසේය
1. මෙහි සදහන් ගුරැවරයාගෙන් පන්තියේ සිටින ළමුන්ගේ පවුරැෂයට ඇතිකරන හානි දෙකක් හ‍ටහන් කරන්න.
2. මෙම ගුරැවරයාගේ ගුරැ භූමිකාවේ සිදුවිය යුතු වෙනසක් සදහන් කරන්න.
3. කවි පන්තියේ සදහන්වන පරිදි මෙහි සදහන්වන පරිදි මෙහි සදහන් ගුරැවරයා‍ට මෙවන් ඉරනමකට පත්ව ඇති සාධක මොනවාද?
4. මෙහි සදහන් වන පරිදි දරැවන් මෙම ගුරැවරයා දකින්නේ කවුරැන් ලෙසද?
5. මෙම ගුරැවරයාගේ පීඩනයට පත්වූ දරැවන් මේ ප්‍රශ්නය දැක හිත හදාගන්නේ කෙසේද?
-උපුටාගැන්ම – 2008 ජූලි 24 බ්‍රහස්පතින්දා ලංකාදීප
මං දැක්කා ඔය පත්තරේ තියෙනවා ඇතැම් විදුහල්පතිවරුන් හිත රිදිලා මේ ප්‍රශ්න පත්‍රය නොබෙදා ඉඳලා කියලා. මා නම් මේ කවියට මෙහෙම තැනක් දුන එකට එකඟයි. මං අඩුපාඩුවකට දකින්නේ මේ කවිය පාසල් සිසුන්ට බෙදූ එකේ විතරයි. මෙය ඇතුළත් කළ යුතුව තිබුණේ ගුරු වෘත්තිය සඳහා පුහුණු වන හෝ ගුරුවරුන් පෙනී සිටින විභාගයක ප්‍රශ්න පත්‍රය සඳහා යි.. ඇත්තෙන්ම ගුරුවරු මේ ගැන හදවතින් සහ බුද්ධියෙන් සිතිය යුතුමයි. අද පුවත්පත් වාර්තා අරන් බැලු විට ගුරුවරුන් විසින් ළමුන් දූෂණය කිරීම, අපචාර සඳහා යොදා ගැනීම, මෙහෙකාර සේවයට යොදා ගැනීම, අසාධාරණ ලෙස සැලකීම සහා සමානත්වයෙන් නොසැලකීම, ශාරීරික සහ මානසික වද හිංසාවන්ට ලක් කිරීම දිනපතා පුවත් බවට පත් වෙලා…
ළමයාගේ පැත්තෙන් මේ ගැන සිතීමෙන් යහපත් ගුරුවරුන්ට හානියක් හෝ අපකීර්තියක් සිදුවන්නේ නෑ. අවබෝධය තව පුළුල් වෙනවා පමණයි..
මෙම කවි පංතිය මෙසේ හෝ සාකච්ඡාවට ලක්වීම සඳහා ප්‍රශ්න පත්‍රයට ඇතුළත් කිරීමට තෝරා ගත් ගුරුවරයා‍ට මගේ ප්‍රණාමය !