Malinda's Blog – මාලින්දගේ සටහන

මම ඊයෙ SLT පැකේජ ගැන විස්තරයක් දැම්ම. ඒත් එයාල එලියට දාල දැන් විස්තර. FUP සීමාව ඊටත් වඩා අඩු කරල. ඒත් මේ FUP එකක් 512Kbps සම්බන්ධතා වලට නෑ. එතනින් ඉහල සම්බන්ධතා වලට විතරයි තියෙන්නෙ. කලින් තිබ්බ සම්බන්ධතා වෙනුවට අලුතින් සම්බන්ධතා එලියට දාල. ඒ වේගවල් වලින්ම FUP එකක් හා මාසික ගාස්තුව වෙනස් කරල

Xcite Plus පැකේජයේ මාසික ගාස්තුව රු 2000/- යි, මාසික භාවිත  සීමාව 5GB

Office Plus පැකේජයේ මාසික ගාස්තුව රු 5000/- යි, මාසික භාවිත සීමාව 12GB

Xcel Plus පැකේජය මාසික ගාස්තුව රු 8000/- යි, මාසික භාවිත සීමාව 16Gb

මේ සීමාවෙන් පස්සෙ 30GB වෙනකම් මෙගාබයිටයක් ශත 50යි. ඉන් පසු මොගාබයිටයකට රු 1/- යිඅසීමිත භාවිත කරනවනම් තියන එකම පැකේජය Home හා Entree පැකේජ. Home එක මාසිකව රු 1600/- යි, Entree පැකේජය මාසිකව 500 උනත් 3250/- ක භාවිතයෙන් පස්සෙ Unlimited වෙනව.

ඒත් මේ දෙකේ Ratio එකේ වෙනස් තියනව. Ratio  කියන්නෙ උදාහනයක් විදිහට 2Mbps සම්බන්ධතායක් ගත්තොත් ඒ සම්බන්ධතාවය බෙදෙන සම්බන්ධතා ගණන. ටෙලිකොම් Entree පැකේජය ඇරෙන්න අනිත් පැකේජ මෙතෙක් කල් දීල තියෙන්නෙ  1:20 කියන අනුපාතයට. ඒත් මේක Home සම්බන්ධතා වලට වැඩිය දැනෙන්නෙ නැත්තෙ ඉන්න පාරිභෝගිකයින් ගාන වැඩි නිසා. නමුත් Entree පැකේජය 1:1 අනුපාතයට දෙන්නෙ.

නව පැකේජ අනුව Home ඇරෙන්න අනිත් පැකේජ සියල්ල 1:1 අනුපාතය යටතේ උපරිම වේගයක් ලැබෙන්න දෙනව. ඒ FUP නිසා. Entree එකත් තාම දෙන්නෙ 1:1 අනුපාතයෙන්. 3500 ක් ගෙවන්න පුලුවන්නම් Home එකට වඩා Entree එක හොදා. Ratio එක වෙනස් නිසා. ඒකයි ඉස්සර Limit පැකේජයෙ ඉදන් Unlimit Home පැකේජයට මාරු කලාම ස්ලෝ කියල තේරෙන්නෙ.

නව පැකේජ වල usage meter එක ඒ ඒ පාරිභෝගියන්ට ලබාගන්න පුලුවන්. මේ වෙනස්කම් වලට හේතුව විදිහට ටෙලිකොම් ආයතන කියන්නෙ TRC එක කචල් එකක් දැම්මලු. ඒක නිසා වෙනස් කරනවලු. ඒත් එයාලට ඩයලොග් හා ලංකාබෙල් සම්බන්ධතා ගැන කීවහම මුකුත් කියන්නෙ නෑ. සමහර විට යටනa FUP එකක් ඇතිලු. නැතිනම් ඉස්සරහදි දායිලු. ඒත් ඩයලොග් එකෙන් ඇහුවහම කියන්නෙ එහෙම කිසිම FUP නැ. හැබැයි භාවිතය වැඩි වෙලාවට අවම 1.5Mbps දක්වා වේගය අඩුවෙන්න පුලුවන් කියල. ඒත් ඒව Unlimit. ඒත් දැන් ඔය SLT වලින් බාන හුගක් අය Dialog හරි Lankabell වලට මාරු උනොත් ඒවටත් මේ ලෙඩේ එයිද දන්නෙ නෑ. මොනව උනත් මෙයාල බෝලෙ පාස් කරන්නෙ TRC එකට. කෙසේ වෙතත් මේක කරල තියෙන්නෙ අනෙක් පාරිභෝගිකයන්ගෙ යහපතටලු. ඒත් ඒකෙන් ඉන්න පාරිභෝගිකයො කීදෙනෙක්ට සොරි වෙනවද. ඒ වගේම මේ නිසා කී දෙනෙක් නැතිවෙයි කියන්න බෑ. මොකද කැෆේ වලට මේ සීමා අරන් හරියන්නෙ නෑ.  ඒවා ලිමිට් කරන්න බෑ. ඒ වගේම විවිධ බාගත කිරීම් කරල  යමක් හොයාගත්ත අයට වෙන විසදුමකට යන්න වෙනව. නැතිව ගිගාබයිට් එකකට රු 500ක් ගෙවන්නෙ මොකටද?

Xcite

1Mbps Download හා 256Kbps සම්බන්ධතාවය

භාවිත සීමාව 7GB 5GB

Office

2Mbps Download හා 512Kbps සම්බන්ධතාවය

භාවිත සීමාව 15GB 12Gb

Xcel

4Mbps Download හා 512Kbps සම්බන්ධතාවය

භාවිත සීමාව 25GB 16GB

මේ පැකේජ වල මාසික ගාස්තුව තිබ්බට වැඩිය සමහර ඒවගෙ අඩු වෙන්න පුලුවන්. මේ භාවිත සීමා නිසා.

*තාම මේ විස්තර නිල වශයෙන් එලියට දාල නැති නිසා සුලු සුලු වෙනස්කම් සිදුවෙන්න පුලුවන්

Update

හරියටම විස්තරය

http://blog.malindaprasad.com/2010/09/15/slt-new-package-price-and-final-fup-limits/

ටෙලිකොම් මීට වසරකට විතර කලින් මෙගාලයින් සම්බන්ධතා හදුන්වා දුන්න. ඒ එකක්ම ටෙලිකොම් කියපු දෙයක් තමා කෙටිපණිවිඩ සේවාව. මේ සම්බන්ධතාවල Platinum සම්බන්ධතාවය (http://www.slt.lk/data/forhome/011telecon_new.htm) එක්ක කෙටිපණිවිඩ සේවය නොමිලේ හම්බෙනව.  ඒකියන්නෙ කෙටිපණිවිඩ සදහා මාසික ගාස්තුවක් ගෙවන්න ඕනෙ නෑ. අනිත් සම්බන්ධතා වලට කෙටිපණිවිඩ සේවය ඕනෙනම් ලබාගන්න පුලුවන්.

ඒත් මේ විදිහට මේ අය ප්‍රචාරය අරන් ගියත්, පාරිභෝගිකයක් ලියාපදින්චි කරගත්තත් ටෙලිකොම් වල PSTN සම්බන්ධතා සදහා තාම කෙටිපණිවිඩ සේවයක් නෑලු. ඕක ගන්න ගිහින් ටෙලිකොම් එකෙන් දෙතනකින් දෙවිදිහක කථාවක් අහන්න උනේ.

මගෙ යාලුවෙක්ට වීස වලට අයදුම් කරල. ඒකෙන් කෙටිපණිවිඩ වලින් අප්ඩේට් එවන නිසා මෙයා ඒකට ගෙදර නම්බරය දාල. ටෙලිකොම් එකෙන් කෙටිපණිඩිඩ තියනව කීව නිසාත් මෙයාගෙ ජංගම දුරකතනයෙ අවුලක් නිසාත්. ඒත් දුරකථනයෙ දර්ශකයන් හෝ කෙටිපණීවිඩ සම්බන්ධතාවයක් නැති නිසා ඇහුව 1241 ඇමතුමක් අරන්. එයාල මුලින් PSTN සඳහා කෙටිපණිවිඩ කීවහම හොයල බලන්නම් කියල ටිකකින් කීව ඒක දීල තියෙන්නෙ. ඒකට කෙටිපණීඩිඩ සහය දක්වන දුරකථනයක් ගන්න ඕනෙ.  ඒ පාර ඇහුව ඒකක් කීයක් විතර වෙනවද කියල. ඒ නිලධාරිනිය කීව කීයක්වත් යන්නෙ නෑ. දුරකථනය අරන් ටෙලිකොම් එකට එන්න. නොමිලේ කෙටිපණිවිඩ සහය දක්වන දුරකථනයක් දෙන්නම් කියල. මෙගාලයින්  සම්බන්ධතාවයට නොමිලේ දුරකථනය දෙනවලු

පහුවෙනිද අපි ගියා ටෙලිකොම් කුරුණෑගල එකට. ඒ පාර විස්තරේ කීවහම අරය ගාවට… මෙයා ගාවට යන්න කියල එකක්කෙනෙක් ගාවට අන්තිමට ගියා. එයා කීව PSTN වලට එහෙම දුරකථනයක් දෙන්න තියා සම්බන්ධතාවයක්වත් අපිගාව නෑ කියල. මම කිවුව මෙගාලයින් ගද්දි දෙනව කීව. ඊයෙ පාරිභෝගික සේවයෙන් ඇහුවහමත් කීව ඇවිත් දුරකථනය අරන් යන්න කියල.

ඒ පාර මෙයා වටේ පිටේ අයගෙන් අහල පාරිභෝගික 1241 නිළධාරියෙක්ගෙන් ඇමතුමක් අරන් අහුව. එයා කියපි එහෙම තාම දෙන්නෙ නෑ කියල. අපි මොනව කියන්නද. ඊයෙ රෑ දෙනව කියපු අය උදේ වෙද්දි දෙන්නෙ නෑලු.පාරිභෝගික නිළධාරීන් බොහෝ දෙනා ඔහොමයි දෙන්නෙක්ගෙන් ඇහුවොත් සමහර ඒවට දෙකක් කියන්නෙ. සමහර ඒව අපි කියල අපිම අහගන්න ඕනෙ. ඒත් මේ අය ප්‍රසිද්ධිය දෙන්නෙ මෙගාලයින් එකක් කෙටිපණිවිඩ දෙනවකියල. අනික ඒහෙම දෙන්නෙ නැතිනම් ඒ ගැන සදහනක්වත් දාන්න ඕනෙ. එක්කෙ නිවැරදි කරන්න ඕනෙත ඒත් තාම එහෙමයි. කෙටිපණිවිඩ එකකට ශත 75 ක් කියල.

බලන් යද්දි ටෙලිකොම් බොරුවක් අරන් යනව. ADSL වලත් දෙන්න බැරිවෙච්ච පාර ලබන සතියෙ අලුත් පැකේජ හදුන්වල දෙනවලු. ලබන සතියෙ මැද වෙද්දි ඒව එලියට දායි. තාම TRC අනුමැතිය සඳහා පෙන්ඩින්. ආරන්චියෙ හැටියට ඒවගෙ FUP තියනව. යම් සීමාවකට පසු (බොහෝ දුරට 30GB විතර) මෙගාබයිටයකට ශත 50 ක් හෝ ඊට අඩු ගානක් අය කරන්න ලෑස්තිය වගේ. ඒත් ඒ ගැන නිල වශයෙන් ආරන්චියක් නෑ. ඒ වගේම ටෙලිකොම් එක ratio එකත් වෙනස් කරයිවගේ.මීට වඩා බලන් යද්දි මොබල් බ්‍රෝඩ්බෑන්ඩ් හොදා වගේ.

ADSL 4Mbps තිබ්බ සමහරු 2Mbps වලට මාරු කරල. ඒත් උදේ අවුල එහෙමමයි. නමුත් හවස්වෙද්දි 2Mbps ට ආසන්න වේලයන් ඇවිත්. දිගටම  මේ වේගයම තිබ්බොත් හොදා

ටෙලිකොම් එක මීට කීප දිනකට කලින් වැඩිපුර භාවිතා කරන සම්බන්ධතාවල භාවිතය සීමා කරල තිබ්බ කිසිම දැනුම්දීමකින් තොරව. ඒ සීමාව දැන් ටිකක් ලිහිල් කරලලු. ඒත් සම්පුර්ණ යථාතත්වයට පත්කරල නෑලු. ඒ වෙනුවට ඒ අය දැන් හිතන් ඉන්නෙ කැෆේවලට වෙනමම සම්බන්ධතාවයක් හදුන්වල දෙන්න වගේ. කියන්නෙනම් සාධාරන විදිහට වැඩේ කරන්න හදනව කියල. මොකද මේ විදිහට එක දිගට 4MB සම්බන්ධතා වල බාගතකිරීම් කරගෙන ගියොත් ටෙලිකොම් වල International Bandwidth එකට වඩා ඉල්ලුමක් එනවලු. ඒක නිසා මේ විදිහට සීමාකරල තියෙන්නෙ. ඒත් බොහෝදුරට මේ ගැටලුව 2Mbps සම්බන්ධතාවලට නෑ. තියෙන්නෙම වැඩිපුර බාන 4Mbps සම්බන්ධතාවලට.
දැන් සති කීපයක ඉදන් ඒවට හරිහමන් සම්බන්ධතාවයක් නෑ. ඒකනිසා කැෆේ සමහර ඒව දිගටම වහල. මේ අය ටෙලිකොම් පාරිභෝගික සේවයට කථාකලාම ඒ අය දැන් හොයල බලන්නම්, තාක්ෂණික නිළධාරියෙක් කථාකරයි වගේ මොනව හරි කියල මග අරිනව. අඩුම ගාන පැමිණිල්ලක්වත් ගොණුකරගන්නෙ නෑ. ඒත් අසීමිතයි කියල මේ විදිහට සම්බන්ධතා දීල ඒව භාවිතා කරල පාරිභෝගිකයන්ට මේ විදිහට අසරන කරන එකනම් හරිම කැත වැඩක්. එක්කො දෙන්න බැරි සම්බන්ධතා නොදී ඉන්න ඕනෙ. මේකෙන් කීදෙනෙක්ගෙ ව්‍යාපාර කටයුතු අඩපන වෙනවද. අනික මේ අය වැඩිම මුදලක් ගෙවල වැඩි වේගයක් ගන්න අයටම තමා කෙලවල තියෙන්නෙ. 2Mbps හෝ ඊට අඩු අයට තාම අවුලක් දාල නෑලු. දැනගන්න හම්බුන විදිහට මෙයාල කැෆේ වැනි වැඩි භාවිත තියන ඒවට නව පැකේජයක් හදුන්වල දෙන්න යන්නෙ. ඒක කොහොම වෙයිද දන්නෙ නෑ. නැතිනම් වෙන්නෙ 2mbps සම්බන්ධතා 2ක් ගන්න. මෙයාල මේ පැකේජය හදුන්වල දෙනකම් අර පාරිභෝගිකයින් අනාතයි.
හැබැයි TRC එකෙන් නිවේදනය කරල තියනව අන්තර්ජාල සම්බන්ධා වල කියන වේගය එන්නෙ නැත්තම් පැමිණිලි කරන්න. ඒ අය නීතිමය පියවර ගන්නව කියල. ඒකනම් හොද දෙයක්.  දැන් තියෙන්න අවුල තියන අය පැමිණිලි කරන එක. මොකද පැමිණිලි කරන්නෙ නැතිව ක්‍රියාමාර්ගයක් ගන්න බෑනෙ. හැබැයි TRC එකේ අන්තර්ජාල  සම්බන්ධතා නිරීක්ෂණය කරන්න වෙනමම ඒකකයක් තියනව. ඒවට මේ අවුල නැතිව ඇති

ඔය වැඩේ වෙච්ච 4Mbps සම්බන්ධතාවයක දැන් වේගය

අපි කවුරුත් SLT ADSL සම්බන්ධතාවයක් ගන්නෙ ඒකෙ තියන වේගය වගේම අසීමිත භාවිතය නිසා. ඒත් ටෙලිකොම් හොරපාරෙන්ම එයාලගෙ සම්බන්ධතාවලට FUP (සාධාරන භාවිතයක්) හදුන්වල දෙන්න යන්නෙ. මේක පටන් අරන් දැන් කීප දවසක්.  ඒත් නිලවශයෙන් නෙවේ. තාම තාවකාලිකව සම්බන්ධතා කීපයකට.

ඒ අය අපගේ භාවිතයන් නිතරම නිරීක්ෂණයෙන් ඉන්නෙ. මේ අනුව වැඩිපුර බාගත කිරීම් තියන දිවයින පුරා සම්බන්ධතා 110 කට මේ අය සීමා පනවල. ඒ සම්බනධතා Blacklist කරල. ඒක නීසා ඒවගෙ වේගයන් වගේම ගුණාත්මක භායටත් ගැටලු. මේ ගැන බොහෝ ටෙලිකොම් සේවකයන්වත් දන්නෙ නෑ. සම්බන්ධාවයෙ ගැටලුවක් කිවහම ඇවිදින් දවස් ගනන් හදනව. ඒත් එකම ලෙඩේ. ඒත් මේ ගැන ඉහල අය දන්නව. තාම එලියට දාල නැ. ඒත් දන් සතියක විතර ඉදන් මේ අයට හරියට සම්බන්ධතාවය නෑ. ‍මේ අය අසීමිතයි කියල දුන්නට දැන් ඒක සීමා කරනන්න පටන් අරන්. ඒකෙ පළමු පියවර වශයෙන් තමා සම්බන්ධතා 110ක්ට ක්‍රියාමාර්ගයක් අරන් තියෙන්නෙ.

ඒත් මේ ගැන ඒ අය මුලින් කියල නැති නිසාත් මේ හැමෝම 4Mbps සම්බන්ධතා අරන් තියන අය නිසාත් මේ ගැන ඒ අය දිගින් දිගටම සකච්චාකරගෙන යනවලු. ඒකයි එයලිය සීන් එක දාල නැත්තෙ. මොකද මේ මැද්දට වෙන සේවා සපයන්නෙක් මැදිහත් උනොත් මේ සම්බන්ධතා සියල්ල ටෙලිකොම් වලට නැතිවෙන්න තියන ඉඩකඩ වැඩී. ටෙලිකොම් එකේ ඉහල අය ඒ ගැනත් බයෙන් ඉන්නෙ. දැනටමත් මේ අයගෙන් කී දෙනෙක් ඩයලොග් වලට වගේ මාරුවෙලාද දන්නෙ නෑ. මොකද කැෆේ එකක් වගේ එකකට එක දිගට සතියක් විතර සම්බන්ධතාවය නැතිනම් එයාලට ඒක වහල තියන්න තමා මෙන්නෙ. ඒ වගේ එකක බාගත කිරීම් සීමාකරන එකත් අමාරුයි. එයාටෙල් එකපාර FUP එකක් දැම්ම වගේ මේ අයත් නිලවශයෙන් FUP දායිද දන්නෙ නෑ.

හැබැයි මේ ගැටලුව තියෙන්න 4 Mbps   සම්බන්ධතා වලට. මොකද අනිත්ව එක දිගට බෑවත් ලොකු ප්‍රමාණයක් බාගන්න බෑ. මේ අය මේ භාවිතය බලල තියෙන්න සම්බන්ධතාවයට අනුව නෙවේ. සියලු සම්බන්ධතා පොදුවේ අරන්. ඒක නිසා මේක බලපාන්නෙ 4Mbps සම්බන්තා වලට. මම දන්න කීපදෙනෙක් ඉන්නව 1Mbps වලින් දවසම බාන අය. ඒ අයට ගැටලුවක් නෑ. ඒත් 4Mbps වලින් එක දිගට (එක දිගට කීවට දවසට පැය 15ක්වක් බෑවත් ඇති වගේ) බාපු අයට තමා මේ ගැටලුව.

ඒත් මේ ගැන ටෙලිකොම් කලින් දැනුවත් කිරීමක් කරල නෑ. ඒ වගේම මෙවැනි සීමා ගැන කොහෙවත් සදහනක් නැ. මාසෙට රු 12,000 කි විතර ගෙවල ව්‍යාපාරයකට අසීමිත සම්බන්ධතාවයක් අරන් නොබා ඉන්න එකත් එක අතකින් පාඩුයි. ඒ වගේම කිසිම පියවරක් නොගෙන සතියකට වැඩි කාලයක් මේ අයගෙන් පලිය ගන්න එකත් වැරදි.කොහොම හරි මේ බාගත කිරීම් නිසා ටෙලිකොම් වල අනිත පාරිභෝගිකයන්ටත් ගැටලු ආව නිසාලු මෙහෙම කරල තියෙන්න. කෙසේ වෙතත් මේ 110 දෙනා නිකන් ඉන්න එකක් නෑ. එක්කො දෙන්න බැරි ඒව නොදී ඉන්න ඕනෙ. නැතිනම් සම්බන්ධතා දෙද්දි හරි මෙහෙම එකක් කරන්න කලින් කියන්න ඕනෙ. වෙන එකකට මාරුවෙන්න හරි

ඔය ගැටලුව ආව සම්බන්ධතාවල දැනට මාස කීපයක ඉදන් ගුණාත්මක භාවයෙ ගැටලු තිබ්බ. ping එකක් යද්දි කැඩි කැඩි යනව. සයිට් ලෝඩ් වෙද්දි ගැටලු. වගේ ඒව. ඒත් ටෙලිකොම් වලට පැමිණිලි කලාම කිසි දෙයක් කීවෙ නෑ. හරි ගස්සවනව. එහෙම කරල ආයෙ දවස් කීපයෙන් ගැටලුව.  මෙහෙම ගිහින් අන්තිමට තමා මේ පියවර අරන් තියෙන්නෙ. කොහොම කොහොම හරි සේ කරගෙන යන සාකච්චා වලින් මේ සීමවාව දිගටම නොතිය අයින් කලොත් හොදා. නැතිනම් ADSL ත් HSDPA වගේ Unlimited කීවට සීමාව පන්නපුවහම FUP එකක් දායිද දන්නෙ නෑ

බොහෝ දෙනා ADSL ගන්නව.  නග‍රයෙන් පිට සමහරුන‍්ට අන්තර්ජාල සේවය පිස්සු කෙලින් ගන්නව. ඒ දුර නිසා. විශේෂයෙන් නිතර නිතර සම්බන්ධාවය විසන්ධි වෙනව.  ඒ වගේම විවිධ පිටු ලෝඩ් වෙන්නෙ නැති වෙනව. මේකට බොහෝවිට හේතුව ADSL  සිග්නල් වල දුර්වලතාවය. රුහැන් දුරවැඩි වෙද්දි මේ සංඥා දුර්වල වෙනව. සමහර -රැහැන් වල 4-5Km පැන්න ගමන් අවුල් එනව. සමහර ඒවගෙ  7-8 Km වගේ කිසි ලෙඩක් නැතිව වැඩ. ඒ රුහැ‍න් අලුත් ඒවගෙ. පරණ සමහර රැහැන් ලෙඩ. මේ විවිධ හේතු නිසා තමන්ට ලැබෙන ADSL සංඥාවල දරුවල වෙනව

මේ ගැන ටෙලිකොම් එකට කීවොත් ඇවිත් බලල රවුටරය පිට ලෙඩේ දානව. එතකොට අපි දැනගන්න ඕනෙ රවුටරය මාරුකලා, ටෙලිකොම් රවුටරයක් දැම්ම, ඒත් එහෙමයි කියන්න (දැම්මෙ නැතත් ;)  ) එතකො‍ට ඒ අය පොඩ්ඩක් හොයල බලනව. මගෙ අවුල ඇවිත් බලන්න කීප සැරයක් කීප දෙනෙක් ආව. හුගක් අය කොල්ලො. ඒ අය කීවහම අවුල තේරුම් ගන්නව. හැබැයි ආව වයසක අයනම් අපි පිට වරද දාන්නමයි හදන්නෙ.  ඊට පස්සෙ ලූප් එකත් මාරු කලා. ඒ හදල දවසයි දෙකයි, ලෙඩේ එනව. ඒත් හදපු දවසෙ දෙකේනම් නියමෙට වැඩ. මම රවුටර කීපයක් දාල බැලුව. එක එක රවු‍ටර වලට විවිධ ලෙඩ‍.

ඒ රවුටරවලට මුහුණදිය හැකි අවම සංඥා ප්‍රමාණයක් තියනව. ඊට වඩා දුර්වල සංඥා එද්දි එක එක ලෙඩ දෙනව. හොද රවුටරයක් දැ‍මීමෙන් ඒ අවුල අඩු වෙනව.

ටෙලිකොම් අය සංඥාවල තත්වය ප්‍රධාන වශයෙන් බලන්නෙ  SNR Margin කියන එකෙන්‍. හොද සම්බන්ධතාවයක ලැබෙන SNR තත්වය හුගක් වැඩි. මගෙ යාලුවෙක්ගෙ 30ට ආසන්නයි.

මගේ හිටපු ගමන් මේක 2.5-6 ටත් බහිනව. ඒත් මේ අය හදපු දවස් වල 14-15 අතර තිබ්බ. දැන් අඩු වෙලා. සාමාන්‍යය 8-10 ක් ගානට බැහැල.

මම මුලින්ම දැම්මෙ D-Link (india) රවුටරයක්. ඒක ජරාවක්. 15 ට අඩු  උන ගමන් පිස්සු කෙලිනව. ඒ පාර Comtrend (ටෙලිකොම් දුන්න එක) එක දැම්ම. ඒක වැඩ. හැබැයි සම්බන්ධ වෙන්න වෙලා යනව. DLink එකට වඩා හොදා. හිටි ගමන් සම්බන්ධ වෙන්නෙ නෑ. ඒත් සම්බන්ධ උනොත් වැඩ. මේක කරන්න බැරි නිසා Belkin එකක් හා Qwest එකක් දාල බැලුව. ලැබෙන SNR Margin එක 6 ට බැස්සත් අවුලක් නැතිව වැඩ. ලගදි Linksys හම්බෙනව. දාල බලන්න ඕනෙ

බොහෝ අයට මේ ලෙඩ ඇති. මුලින්ම SNR තත්වය පරික්ෂා කරගන්න. ඒකට රවු‍ටරයට ලොග් වෙලා ADSL Stat වල විස්තරය ඇති‍.

මේක අඩුනම් පුලුවන්නම් ටෙලිකොම් එකට කියල ලූප් එක මාරු කරගන්න‍. විකල්පයක් දාගන්න. නැතිනම් හොද රවුටරයක් දාල බලන්න‍‍. මේක ටෙලිකොම් එකේ ලෙඩක් වගේම අපේ රවුටරයෙත් අවුලක් නිසා වෙන්නෙ. හොද රවුටරයක් දැම්මොත් ටෙලිකොම් අවුල තිබ්බත් බොහෝ වෙලාවට වැඩ. නිකන් ටෙලිකොම් අයට බැනල වැඩක් නෑ. සමහර වෙලාවට රවුටරය අවුල් කියල ඒක කඩේට ගිහින් දුන්නහම ඒ අය ඒ අයගෙ එකට ගහයි. ඒව ‍ටවුන් නිසා හොදට වැඩ. වරද තියෙන්නෙ රවුටරය තෝරාගැනීමෙ

සමහර වෙලාවට ටෙලිකොම් අය කරනව රවුටරයෙ සෙටින්ස් වල වෙනස්කම් වගයක්. ඒ ADSL සම්බන්ධතාවය සාමාන්‍යයෙන් තියෙන්නෙ ADSL2+ කියන එකේ. ඒකෙන් අයින් කරල් G.dmt වගේ පරණ ක්‍රමයකට දානව, නැතිනම් අනිත් ඒව අයින් කරනව. එ‍තකොට යම්තාක් ලෙඩේ සමනය වෙනව. ඒක කරන්නෙ Wan settings වලින්. එතකොට බොහෝ වෙලාවට ADSL සම්බන්ධතා උපරිම වේගය 512/128 ම හම්බෙනව නිවාස සම්බන්ධතාවල. නැතිනම් මෙහෙම උපරිමවේගයක් එන්නෙ නෑනෙ. මීට අඩු වේගයකින්නෙ සම්බන්ධ වෙන්නෙ. හැබැයි ප්‍රායෝගිකව ඩවුන්ලෝඩ් වලදි වේගය වෙනද වගේමයි. පෙන්වන එක විතරයි

දැන් My 10, Any 8, Family And Friend, My Best Friend කිය කියා සේවා වලින් විශේෂ මිල අඩු කල ඇමතුම් ‍තෝරාගත් අංක වලට ගන්න පුලුවන්නෙ. ඒත් මේ වගේ සේවාවක් මෙතෙක් කල් ටෙලිකොම් වල තිබ්බෙ නෑනෙ. දැන් ඒ සේවාවත් හදුන්වා දීල. ඒකෙ නම SLT 4 Friends. එම සේවාවෙන් තමන් කැමති අංක හතරකට විශේස ගාස්තු යටතේ ඇමතුම් ගන්න පුලුවන්. මෙම අංක සදහා ටෙලිකොම් අංක දෙකක් හා අනෙක ජාල වල අංක දෙකක් ඇතුලුව අංක 4 ක් දාගන්න පුලුවන්.
එම ටෙලිකොම් අංක වලට උදේ 5 සිට රාත්‍රි 9 දක්වා මිනිත්තුවට රුපියලයි හා රාත්‍රී 9 සිට උදේ 5 වන තුරු ශත 50 යි
අනෙක් ජාල අංක සදහා උදේ 5 සිට රාත්‍රි 9 දක්වා මිනිත්තුවට රුපියල් 2යි හා රාත්‍රී 9 සිට උදේ 5 වන තුරු ශත 50 යි
ඒත් මේ සේවාව ලබාගන්නවනම් මාසිකව රු 50/- ක් ගෙවන්න වෙනව. සක්‍රිය කිරීමේ ගාස්තුව රු 100/- යි. මෙම පහසුකම සියලුම ටෙලිකොම් දුරකථන සඳහා වලංගුයි. හැබැයි සක්‍රිය කිරීමට ටෙලිකොම් කාර්යාලයකට යන්න වෙනව. ‍

හුග දවසකින් බ්ලොග් ලියන්න හම්බුනේ නෑ.මේ දවස්වල ටෙලිකොම් එකේ අන්තර්ජාලය මාර අප්සට්. හැම වෙලාවෙම පිස්සු කෙලිනව. ping එකක් දිගටම යවද්දි 5-6 කට සැරයක් Timeout. ආයෙ අපි පිටුවක් ලෝඩ් කරද්දිත් ඒකමයි. වෙනද මෙහෙම නෑ. කාලය වැඩි උවත් Timeout නෑ. මේක ඇනයක්. මේක නිසා අන්තර්ජාලය අවුල් ජාලාවක්. වෙබ් පිටුවක් ලෝඩ් ලොත් අතර මගදි ලෝඩ් උනාට එන්නෙ නෑ. ආයෙ Refresh කරන්න වෙනව. සතියක් විතර එක දිගට තියෙද්දි ටෙලිකොම් එකට කීව. දින දෙක තුනක් ගියත් ආවෙ නෑ. කථාකලාම කියනව අදම එයි. දිනයක් ඇතුලත එයි. ඒත් ආවෙ නෑ. අඩු ගානෙ ඇමතුමක් වත්. වෙනදනම් කීව ගමන් ඇවිත් බලනව. උපරිම දිනයයි. දැන් මේකට සතියක් විතර තාම නෑ. ඒ පාර රවුටරේ මාරු කලා. ස්විච් එක මාරුකලා. ස්පුලිටර් මාරුකලා. ඒත එමමයි. එසේමයි. අපේ විතරද අවුල බලන්න ඇහුව යාලුවො දෙතුන් දෙනෙක්ගෙන්. ඒ අයටත් ඒ විදිහටම අවුල්. එයාල ගනන් අරන් නෑ. දැන් දිගටම අවුල. චැට් එකක මොනව හරි ගැහුවොත් ඒක යන්න දවසක් යනව. ඒ අය හිතල තියෙන්නෙ ඒ අයගෙ අවුලක් කියල. ඒ පාර හුගක් අය ටෙලිකොම් කථාකලේ නෑ. වැඩක් නෑ කියල. මොකද මේ පාර විභාගෙ ඉවර උනාම අපේ හුගක් අය අන්තර්ජාලයට ඉල්ලුව. ඒ අයගෙ ප්‍රොමේෂන් වලදි කියන දවස් 3න් දෙනව කියල. අර අයට සතියක් ගියත් නෙට් නෑ. අහපුවහම කුරුණෑගල පෝට් ඉවරයි, ගෙනාව ගමන් දෙව කියනව. ඒව ගෙනාපුවට පස්සෙ ඉල්ලුම් කල අයටත් ඒ තැටියම දානව. ඒක නිසා හුගක් අය ගනම් ගත්තෙ නෑ. ලෙ‍ඩේ එක දිගට ‍නෙවේ. එනව‍‍. යනව.
ස්පීඩ් පරීක්ෂා කලාට අවුගත් නෑ. හිටපු ගමන් සර්වරය හා සම්බන්ධ විය නොහැකිය කියනව. Ping Test එකේදිත් ඒක. ඒත් Speed test ඒකේදි ටෙස්ට්‍ වෙන්න පටන් ගත්තොත් අවලුක් නෑ. හොද වේගයත් යනව. මම හිතන්නෙ එහෙම වෙනනෙ ‍Timeout වෙන නිසා වෙන්න ඇති. වේගයේ අවුලක් නෑ

Speedtest

SpeedTest

ටෙලිකොම් සමාගම තම පුලුල්පරාස සම්බන්ධතා සදහා තවත් තාක්ෂණයක් යෙදවීමට යයි. ඒ දැනට ඩයලොග්, ලංකාබෙල්, හා සන්ටෙල් සමාගම් වල පුලුල්පරාස අන්තර්ජාල සේවා සදහා යොදා ගන්නා WiMax තාක්ෂණයයි. මෙමගින් ඩයලොග් මෙන්ම PSTN දුරකථන සම්බන්ධතාවය හා අන්තර්ජාල සේවාව යන දෙකම මෙමගින් ලබාගත හැකි. ‍ADSL මෙන් දුරවැඩිවෙද්දි වේගය දුර්වල වීම හා දෝෂ ඇතිවිවීම අවම වීමත් උඩුගත වේගයත් හොදින් ලබාගත හැකි WiMax තාක්ෂණය මෙතෙක් කල් ADSL ලබාගත නොහැකි අය‍ට මෙන්ම අනෙක් අයටත් ලබාගත හැකි. හැබැයි තාම මේක පර්යේෂණ මට්ටමේලු. තව නොබෝ දිනකින් ලබාගත හැකි.

අද ADSL අලුත් පැකේජය‍ට මාරුවෙලා තිබ්බ. පැක කීපයක් අන්තර්ජාලෙ යාවත්කාලීන කිරීම නිසා ඇනහි‍ටිය‍ට දැන් මරු. මෙන්න ‍ස්පීඩ් ටෙස්ට් හා ඩවුන්ලෝඩ් ‍වේගයන්