Dialog Messenger (chat) මැසෙන්ජර් සේවාව මුදලට දීම

දැන් ඩයලොග් සමාගම අන්තර්ජාලයේ නොමිලේ දෙන සේවාවන් කොපිකර ඒව සිය පාරිභෝගිකයන්ට ලබා‍දීමේ ක්‍රමවේදයක් අනුගමනය කරමින් සිටිනව. හැබැයි මුදලට. අවසන් වරට ෆෝන් බැකප් මුදලට දුන්න. දැන් ඩයලොග් මැසෙන්ජර්කියල සේවාවක් පටන් අරන්. කියන්නෙ ලංකාවෙ ප්‍රථම වරට කියල. ඒත් මේ සේවාව මුදල් ගෙවාම ගන්න දෙයක් නෑනෙ. ඒකට ඕනෙ තරම් ක්‍රම හා මෘදුකාංග අන්තර්ජාලෙ තියනව නිකම්.

මෙයාල මේකට ගූගල්ත් ගාවන්. කථාවෙ හැටියට මෙහෙමයි, ලංකාවෙ ප්‍රථම වරට ඕනෙ තරම් මැසේජ් කරන්න දැන් මාසෙකටම රැ 50/= යි කියල කියන්නෙ. ඒකට දෙන්නෙ ෆෝන් එකට දාගන්න මෘදුකාංගයක්. ඒක අන්තර්ජාලෙ හා සම්බන්ධ වී මෙම් මැසෙන්ජර් සේවාව සපයනව. කොටින්ම කියතොත් මේක චැට් කරන මෘදුකාංගයක්. වෙනසකට තියෙන්නෙ ඩයලොග් මැසෙන්ජර් කියල අලුත් සේවාවක් හදුන්වා දෙන එක. හැබැයි 50ට අමතරව අන්තර්ජාල සදහා GPRS ගාස්තු අයකරනව.

ඒත් මේ වෙනුවට ඕනෙ තරම් මෘදුකාංග නොමිලේ තියන්ව. Buddy,bing වගේ ඒව. මේ ජාව මෘදුකාංගයක් බාගත්තහම අප‍ට ගූගල් විතරක් නෙවේ, යාහූ, ලයිව් මැසෙන්ජර්, අයිඑම් වගේ ලෝප්‍රක‍ට මැ‍සෙන්ජර් සේවාවන් හා නොමිලේ එකම ෆෝන් එකෙන් එකවර සම්බන්ධවිය හැකි. bing මෘදුකාංගය ඒ අතර විශේෂයි. මොකද ඒකෙන් චැ‍ට් කරද්දි පැයක් චැ‍ට් කලත් රැ 2 – 5 අතර ගානක් අයවෙන්නෙ. සමහර විට රැපියලක්වත් නෑ. ඒත් මේ දෙන එක කොහොම එකක්ද දන්නෙත් නෑ. දිගට හරහට GPRS භාවිතා කරොත්….. ඉතින් මෙහෙම මුදල් දිදී ගන්නවට වඩා නොමිලේ දෙන ඒවා කොතරම් ලාබදායකද?

ඒත් අපේ සමහරැ මේව දන්නෙ නැතුව දාගන්නවනෙ. හැබැයි ආසාවක් තියනවනම් දාල බලන්න. මොකද මේක සැප්තැම්බර් 15 වෙනකම් නිකම් දෙන්නෙ. ඒත් GPRS  අයවෙයි. මේකට එම මෘදුකාංගය දාගත හැකි දුරකථනයක් අවශ්‍යයි.